Joshua 21:1 - Tedim Bible Revision 2017

¹ Tua ciangin siampi Eleazar le Nun tapa Joshua le Israel minam beh lutangte kiangah Levi beh lutangte hong pai uh hi.

Tedim Bible

¹ Tua ciangin siampi Eleazar leh Nun tapa Joshua leh Israel minam beh lutangte kiangah Levi beh lutangte hong pai uh hi;

Joshua 21:1 Iomraidhean Croise

Piancilna 49:7

Amauʼ sinsona lauhuai a, amauʼ hehna kihtakhuai hi. Samsiatna ngah ta uh hen! Jakob suante sungah amaute ka khenthang dinga, Israel sungah amaute ka thehthang ding hi.

Paikhiatna 6:14

Hihte pen amauʼ beh lutangte ahi hi: Israelʼ ta a suak masa Reubenʼ tapate: Hanok, Pallu, Hezron le Karmi ahi hi. Hihte pen Reuben-te beh ahi hi.

Paikhiatna 6:25

Aaronʼ tapa Eleazer in Putielʼ tanute khat zi-in la hi. Tua nu in amah tawh Finehas nei hi. Hihte pen a inn kuankuanin Levi miteʼ beh lutangte ahi hi.

Gamlak-vakna 35:1

Jerikho nai Jordan kiang Moab zanglei ah Topa in Moses kiangah,

Gamlak-vakna 35:8

Israel miteʼ neihsa sung panin na piak ding khuapite pen minam tamte tung panin tam la-in, minam tawmte tung panin tawm na la ding hi. Amauʼ luah gamh tawh a kizui-in Levi mite tungah a khuapite uh a piak ciat ding uh ahi hi,” a ci hi.

Joshua 14:1

Hihte pen, siampi Eleazar, Nun tapa Joshua le Israel minam sung pan beh lutangte in amaute tungah a piak, Kanaan gam sungah Israel miteʼ ngah gamhte ahi hi.

Joshua 17:4

Amaute, siampi Eleazar le Nun tapa Joshua le makaite mai ah pai uh a, “Ka sanggamte uh tawh gamh hong piak nadingin Topa in Moses thu pia hi,” a ci uh hi. Tua ahih ciangin Topaʼ thupiakna bangin amau pateʼ sanggamte tawh amah in gamh a pia khawm hi.

Joshua 19:51

Hihte pen siampi Eleazar le Nun tapa Joshua le Israel minam beh lutangte in kikhopna buk kong, Topaʼ mai Shiloh ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.