Joshua 20:8 - Tedim Bible Revision 2017

⁸ Jerikho nisuahna Jordan gal khat ah Reuben minam sung panin mualzang sehnel gam a om Bezer khua, Gad minam sung panin Gilead gam sunga om Ramoth khua le Manasseh minam sung panin Bashan gam sunga om Golan khuate a seh uh hi.

Tedim Bible

⁸ Jerikho nisuahna Jordan galkhatah Reuben minam sung panin mualtung zang gam lak-a om Bezer khua, Gad minam sung panin Gilead gam sunga om Ramoth khua, leh Manasseh minam sung panin Bashan gam sunga Golan khuate seh uh hi.

Joshua 20:8 Iomraidhean Croise

1 KUMPI MASATE 22:6

Tua ciangin Israel kumpipa in kamsangte mihing za li bang khawmin amaute tungah, “Ramoth-gilead a sim dingin ka kuan ding hiam, ahih kei le ka thuak ding hiam,” a ci hi. Amaute in, “Kuan to in; bang hang hiam cih leh Topa in kumpipaʼ khut sungah hong pia ding hi,” a ci uh hi.

2 KUMPI NIHNATE 8:28

Syria kumpipa Hazael tawh gal kido dingin Ahabʼ tapa Joram tawh kipawlin Ahaziah a kuan hi. Syria mite in a gal kidona mun Ramoth-gilead ah Israel kumpi Joram liamsak uh hi.

1 KHANG TANGTHU MASATE 6:78

le Reuben-teʼ gam sung panin Jordan nisuahna lam, Jerikho kiang Jordan gal khat sung pan: Pawn a om Bezer a lo nona gamte tawh, Jahzah a lo nona gamte tawh,

1 KHANG TANGTHU MASATE 6:80

Tua ciangin Gad-teʼ sung panin: Gilead gam a om Ramoth a lo nona gamte tawh, Mahanaim a lo nona gamte tawh,

Thu-hilhkikna 3:10

mualzang khuapite khempeuh le Gilead gam khempeuh le Bashan gam khempeuh, Salekah le Edrei dong, Bashan-a om Og kumpi gam khuapite i la hi.

Thu-hilhkikna 4:43

Reuben mite adingin mualzang sehnel gam Beza khua, Gad mite adingin Gilead gam sung Ramoth khua le Manasseh mite adingin Bashan gam sung Golan khua ahi hi.

Joshua 20:7

Tua ahih ciangin amaute in Naftali mual tung gam sunga om Galilee gam sung panin Kedesh khua, Efraim mual tung gam sungah Shekhem khua le Judah mual tung gam sungah Kiriath-arba (Hebron a cihna) khuate a tuam koih uh hi.

Joshua 20:9

Hihte pen Israel mi khempeuh le amaute lakah a peem khualmi adingin sawm lopi-in mi khat a that khapa pen mihonte mai ah a din ma-in phula pa khut ah a sih loh nadingin a tai theih nadinga a kiseh khuapite ahi hi.

Joshua 21:27

Tua ciangin Levi beh sunga om Gershon mite tungah Manasseh minam a langte aʼ sung panin Bashan gam sunga om khuapite sung panin mi thatte adingin bukna khuapi Golan a lo nona gamte tawh le Beeshterah a lo nona gamte tawh, khuapi nih kipia hi.

Joshua 21:36

Tua ciangin Reuben minam sung panin Bezer a lo nona gamte tawh, Jahaz a lo nona gamte tawh,

Joshua 21:38

Tua ciangin Gad minam sung panin Gilead gam sunga om khuapite sung panin mi thatte ading bukna khuapi Ramoth a lo nona gamte tawh, Mahanaim a lo nona gamte tawh,