Joshua 2:9 - Tedim Bible Revision 2017

⁹ tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Tedim Bible

⁹ tua mite kiangah, “Topa in note tungah hih leitang hong piak khitna ka thei a, note hong kikihtakna kote tungah hong tungin, hih gam sunga a teeng mi khempeuh note mai-ah lunggim uh hi.

Joshua 2:9 Iomraidhean Croise

Piancilna 35:5

Jakob le a tapate khualzinin a pai laitakun amauʼ kiim a om khuapiteʼ tungah Pasianʼ kiang panin lauhuaina lianpi khat tung ahih manin amaute in Jakob le a tapate delh lo uh hi.

2 SAMUEL NIHNA 17:10

Tua ciangin a lungtang humpinelkai lungtang a bang galhang mipa nangawn launa tawh lungkia gawp ding hi; bang hang hiam cih leh Israel-te khempeuh in na pa mi thahat ahihna le amah tawh a om mite mi hang ahihna thei uh hi.

2 KUMPI NIHNATE 5:15

Tua ciangin Pasianʼ mipa kiangah amah le a pawlte khempeuh kilehkikin ama mai ah ding uh hi. Tua ciangin amah in, “En in, leitung mun dang khempeuh ah Pasian om loin, Israel sung bekah om hi, ci-in ka thei hi. Tua ahih ciangin tu-in na nasem pa tung panin letsong khat hong sang in,” a ci hi.

2 KUMPI NIHNATE 7:6

Bang hang hiam cih leh Topa in leengte le galkap hon lianpiteʼ huging Syria galkapte zasak ahih ciangin amaute khatlekhat in, “En un, Israel kumpipa in eite a hong hih dingin Hit kumpite le Egypt kumpite cial hi,” kici uh hi.

Nehemiah 6:16

Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Esther 8:17

Kumpipaʼ thupiakna a tunna gam le khua khempeuh ah Jew mite adingin lungdamna le kipahna, pawi bawlna le nasep khawlin zum khakna a om hi. Tua hi a, midangte in Jew mite kihta uh ahih manin tua gam a om mi tampi tak in Jew mi ka hi uh hi, a ci uh hi.

JOB (Job) 19:25

“Ahi zongin a tawpna ah kei hong panpih ding a nungta tawntung khat vantungah a omna thu ka thei hi.

Late 112:10

Migilo in hih thu mu-in a heh suak mahmah a, a ha gawigawi-in a tui mang hi. Migiloteʼ lametna a mawkna a suakta hi.

Late 115:16

Vantung pen Topa aʼ hi a, ahih hangin leitung pen mihingte tungah hong pia khin hi.

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat laitakin amah in Egypt miteʼ khutnuai panin mite khah khia hi,” a ci hi.

Paikhiatna 23:27

Keimah hong kikihtakna noteʼ mai ah paisakin noteʼ phutkhak ding mi khempeuh ka kitok gawpsak dinga, na galte khempeuh uh lehhei-in noteʼ kiang panin ka taisak ding hi.

Thuhilh-sia 8:12

Mawhnei khat in zavei dong siatna bawl napi-in a khansau veve hi. Ahi zongin “Pasian a zahtakte adingin thu khempeuh nuam ding hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Isaiah 23:5

Egypt gamah hih thu a kizak ciangin, Taia tawh kisai thu hangin amaute in na sa ding uh hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Gamlak-vakna 20:14

Moses in Kadesh panin Edom kumpipa kiangah kamtaite sawl a, “Na sanggam Israel-te in hih bangin ci hi: Koteʼ tuah khak kamsiatna khempeuh na thei hi.

Gamlak-vakna 20:24

“Aaron in ama mite kiang zuan ta ding hi; bang hang hiam cih leh Meribah tui ah no tegel in ka thupiak hong nial na hih manun, Israel mite tungah ka piak leitang ah amah tum lo ding hi.

Mattiu 20:15

Keima sum pen keima ut bangin ka zat theih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Thu-hilhkikna 11:25

Na lang uh ah kuamah pang zo lo ding hi. No tungah hong ciam bangin Topa na Pasian un na tot ding uh gam khempeuh tungah note hong kizahtakna le note hong kikihtakna tungsak ding hi.

Thu-hilhkikna 2:25

Nomauʼ thu za-in noteʼ hangin liingin a gim ding ahi, mun khempeuh ah a om miteʼ tungah note hong kikihtakna le noteʼ hanga launa ka tunsak ding tu ni-in ka kipan ding hi,’ hong ci hi.

Thu-hilhkikna 28:10

Topa in note hong sapna thu midang khempeuh in thei ding uh a, amaute in note hong kihta ding uh hi.

Thu-hilhkikna 32:8

Sangpen pa in minam dangte tungah amauʼ gamh pia a, mihingte a ten nading mun a seh ciangin vantungmi a phazah tawh a kizui-in miteʼ gamgi a phut hi.

Hebru 11:31

Numei paktat Rahab in thukante limtakin na zin do a, Pasianʼ thu a mang lo mite tawh a sih khawm lohna zong a upna hang mah ahi hi.

Joshua 2:11

Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Joshua 2:24

Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Joshua 2:8

Amaute a lup ma-in innkhum zanga amaute kiangah Rahab pai to-in

Joshua 5:1

Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Joshua 9:10

le Jordan gal khat ah a om Amor kumpi nihte ahi, Ashtaroth ah a teeng Heshbon kumpi Sihon le Bashan kumpi Og tungah a hihte khempeuh a kigenna ka za khin uh hi.

Joshua 9:24

Amaute in Joshua dawngin, “Gam khempeuh nang tungah a hong piak nading Topa na Pasian in a nasem pa Moses a thupiakna le na mai panin gam sunga a teeng mi khempeuh suksiat taktak nading thu na nasemte kiangah hong kigen hi. Tua ahih ciangin noteʼ hangin nakpi takin ka lunghimawh uh a, hih bangin ka gamta kha uh hi.

Joshua 9:9

Amaute in, “Topa na Pasian uh min hangin a gamla mahmah gam panin na nasemte kong pai uh hi. Bang hang hiam cih leh ama thu le Egypt gam sungah a hihte khempeuh,

Thukhente 7:14

Tua ciangin a lawmpa in dawngin, “Hih pen, Israel mi Joashʼ tapa Gideonʼ namsau lo a dang hi lo hi. Pasian in ama khut sungah Midian le mihon khempeuh pia khin hi,” a ci hi.