Joshua 2:24 - Tedim Bible Revision 2017

²⁴ Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Tedim Bible

²⁴ Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Joshua 2:24 Iomraidhean Croise

Paikhiatna 15:15

Tu-in Edom ukpite lungkia uh a, Moab makaite, liingcip uh hi. Kanaan ah a teeng mi khempeuh a hanna uh bei ta hi.

Paikhiatna 23:31

Keimah in San Tuipi panin Filistia miteʼ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teeng mite noteʼ khut sungah kong pia dinga, note in na mai uh panin amaute na hawl khia ding uh hi.

Paunak 25:13

Amah a sawlte tungah a citak kamtai pa pen an lak huna tuivot tawh kibang a, a toteʼ lungsim thaksuaksak hi.

Joshua 1:8

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sun le zanin na lung ngaingai ding hi. Tua hileh na maa vang dinga, na nasep tangtung ding hi.

Joshua 2:23

Tua ciangin mual tung panin mi nihte pai sukkik uh a, gal kahin Nunʼ tapa Joshua kiangah tungin amauʼ tunga thupiang khempeuh a gen uh hi.

Joshua 5:1

Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Joshua 8:1

Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai ah pai to in. Nangma khut sungah Ai kumpipa le a mite, a khuapi le a leitang kong piak khitna thei in.

Thukhente 1:2

Topa in, “Judah minamte kuan to masa ding uh hi. En un, amauʼ khut sungah tua leitang ka pia zo hi,” a ci hi.

Thukhente 18:10

Na pai uh ciangin bangmah a ummawh lo mite kiang na tung ding uh hi. Leitang zai mahmah hi. Pasian in na khut sung uh ah leitungah bangmah a kisap lohna mun hong pia khinzo takpi hi,” a ci uh hi.

Thukhente 7:9

Tua zan mahin Topa in ama kiangah, “Tho in, giahphual simin pai in; bang hang hiam cih leh na khut sungah kong pia zo hi.