Joshua 2:19 - Tedim Bible Revision 2017

¹⁹ Mi khatpeuh na inn sung panin kongzing lampi ah a paikhiat le ama sihna pen ama khialhna hang hi dinga, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen koteʼ khialhna hi ding hi.

Tedim Bible

¹⁹ Mi khatpeuh na inn kong panin kongzing lampi-ah a paikhiat leh ama sihna in ama khialhna hang hi ding hi, kote ka siang ding uh hi; ahih hangin inn sungah nang tawh a om mi khatpeuh a kisukkhak leh, ama sihna in kote’ khialhna hi ding hi.

Joshua 2:19 Iomraidhean Croise

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung tahen; bang hang hiam cih leh nangma kampau in nangʼ lang khat ah teci pangin, ‘Topaʼ sathau nilh pa ka that khin hi,’ na ci hi,” a ci hi.

2 SAMUEL NIHNA 4:11

Migilote in a thuman mi khat ama inn sung a lupna tungah a thah ciangin noteʼ tungah ama phu hong la-in, leitung panin note hong susia zaw kan ding hi lo ahi hiam?” a ci hi.

1 KUMPI MASATE 2:32

Topa in ama mawhna ama lu tung mahah tungsakkik ding hi. Bang hang hiam cih leh ka pa Davidʼ theih loh kalin amah in Israel galkapte a uk Nerʼ tapa Abner le Judah galkapte a uk Jetherʼ tapa Amasa, amah sangin thuman zaw-in a hoih zaw ahi mihing nih do-in namsau tawh a that hi.

Paikhiatna 12:13

Noteʼ omna inn tunga sisan pen note adingin lim hi ding hi. Sisan ka muh ciangin note kong paisan dinga, Egypt leitang ka vat gawp ciangin note hong susia ding gimna noteʼ tungah hong tung lo ding hi.

Paikhiatna 12:22

Puknah lom khat la unla, kuang sunga om sisan sungah diahin, kuang sunga om sisan tawh baang tung zawl le kongkhak khuam nihte nuh un. Zingsang matengin a inn kongkhak pua ah kuamah paikhia lo ding hi.

Paikhiatna 12:23

Bang hang hiam cih leh Egypt mite a that dingin Topa in hong nawk ding hi. Baang tung zawl le kongkhak khuam nih tunga sisan a muh ciangin Topa in kongkhak paisan dinga, a susia dingte pen note that dingin na inn sung uh ah tumsak lo ding hi.

Siampi Laibu 20:11

A paʼ zi tawh a lum khawm mipa in a pa a mindaisak a suak hi. Amau tegel kithat ding hi. Amauʼ sihna amau mah ngawh ding ahi hi.

Siampi Laibu 20:9

“Bang hang hiam cih leh a nu ahih kei leh a pa a samsia mi peuhmah kithat ding hi. Amah in a nu ahih kei leh a pa samsia khin a, ama sihna a mahmah ngawh ding ahi hi.

Mattiu 24:17

inn tungah a om mite zong, inn sungah van a la dingin lut nawn kei uh hen.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Sawltak 20:26

Tua ahih ciangin tu ni mahmah in note tungah limtakin kong gen nop thu in: Note khat peuhpeuh Pasian tawh kikhenin siatna na tuah uh leh keiʼ tavuan hi nawn lo hi.

Sawltak 27:31

Ahi zongin Paul in galkap bupa le galkapte kiangah, “Teembaw hawlte teembaw tungah hong om nawn kei leh na suakta zo kei ding uh hi,” a ci hi.

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Joshua 2:12

Tua ahih ciangin tu-in note tungah kong dik gamtat bangin note zong ko innkuan ah nong dik gamtat nading uh Topaʼ min tawh kei tungah hong kiciam unla, a man taktak lim khat kei hong pia un.

Joshua 2:14

Mite in ama tungah, “Nangʼ tangin kote ka si ngam uh hi. Hih koʼ thu na genkhiat kei nakleh, Topa in kote tungah hih leitang hong piak ciangin nang tungah dikna le thumanna tawh kong gamta ding uh hi,” a ci uh hi.

Joshua 2:20

Ahih hangin hih ko thute na genkhiat leh, kote nong kiciamsak thuciamna tawh kisai-in kote ka siang ding uh hi,” a ci uh hi.