Joshua 2:14 - Tedim Bible Revision 2017

¹⁴ Mite in ama tungah, “Nangʼ tangin kote ka si ngam uh hi. Hih koʼ thu na genkhiat kei nakleh, Topa in kote tungah hih leitang hong piak ciangin nang tungah dikna le thumanna tawh kong gamta ding uh hi,” a ci uh hi.

Tedim Bible

¹⁴ Mite in ama tungah, “Nang’ tangin kote ka si ngam uh hi. Hih ko thu na genkhiat kei nak leh Topa in kote tungah hih leitang hong piak ciangin nang tungah dikna leh thumanna tawh kong gamta ding uh hi,” a ci uh hi.

Joshua 2:14 Iomraidhean Croise

Piancilna 24:49

Tua ahih ciangin tu-in, ka gamtat nading zia ka theih nadingin ka topaʼ tungah hoihtak le thuman takin na gamtat ding uh leh na gamtat loh ding uh hong gen un,” a ci hi.

Piancilna 47:29

Israel a sih ding hun a nai ciangin, amah in a tapa Josef samin ama kiangah, “Tu-in na muhna ah maipha ka ngah leh, ka phei nuai ah na khut hong koih inla, thumantak le citakin kei nong bawl ding thu hong ciam in. Egypt ah kei hong vui kei inla,

2 SAMUEL NIHNA 2:5

Jabesh-gilead mite kiangah David in kamtaite sawlin amaute kiangah, “Note in na topa uh Saul tungah thumanna lakin amah vui na hih manun Topa in note thupha hong pia tahen!

2 SAMUEL NIHNA 2:6

Tu-in Topa in itna kip le thumanna note tungah hong lak tahen! Note hih bangin gamta na hih manun note tungah thuhoih kong bawl ding hi.

2 SAMUEL NIHNA 9:1

Tua ciangin David in, “Jonathanʼ hangin ama tungah migitna ka lah theih nadingin Saulʼ innkuan sungah mi khatpeuh a om lai hiam?” a ci hi.

1 KUMPI MASATE 20:39

Kumpipa in a nawk laitakin kumpipa tungah amah kiko-in, “Na nasem pa gal sungah kuan hi. Galkap khat in kei kiangah gal mat sa mi khat hong paipih a, ‘Hih mipa kem in; amah na tai suah leh ama nuntakna tangin nangma nuntakna hi dinga, ahih kei leh ngun talen khat na liau ding hi,’ hong ci hi.

Paunak 14:22

Na a hoih a semte mite in muangin zahtak a, a sia gamtatna pen khialhna lianpi ahi hi.

Paunak 18:24

Lawm pawl khatte sauvei kimang lo a, lawm pawl khatte sanggam sangin kip zaw hi.

Mattiu 5:7

Midang a hehpih mite tungah Pasian in hehpihna pia ding ahih manin thupha ngah mi ahi uh hi.

Sawltak 23:22

Tua ciangin galkap mangpa in tangvalpa kiangah, “Kei kiangah hih thu nong kohna thu kuamah theisak kei in,” ci-in a vaikhak khit ciangin a ciahsak hi.

Joshua 2:13

Ka nu, ka pa, ka sanggam nute, ka sanggampate le amaute tawh a kizomte khempeuh hong hon unla, sihna panin kote hong suaktasak un,” a ci hi.

Joshua 2:15

Tua ciangin amah in tawlet panin khau khat tawh amaute khai suk hi. Bang hang hiam cih leh khuapi kulh sung lam pangah ama inn kilam a, khuapi kulh sungah amah teeng hi.

Joshua 6:17

Khuapi le a sunga omte khempeuh pen Topaʼ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a om khawmte khempeuh bek hing ding hi.

Joshua 6:22

Tua ciangin Joshua in tua gam thu a va kansim mi nihte kiangah, “Numei paktat nuʼ inn ah va pai unla, tua lai panin a numei le amah tawh a kizom khempeuh, ama tungah na ciam sa bangun hong paikhiatpih un,” a ci hi.

Joshua 6:25

Ahih hangin numei paktat Rahab le tua nu tawh a kizomte khempeuh Joshua in a hingkhawi hi. Jerikho khua thu a kansim dingin Joshua in a sawl kamtaite tua nu in na seel ahih manin tu ni dongin Israel mite lakah a suanlekhakte a teeng uh hi.

1 SAMUEL MASA 20:8

Tua ahih ciangin thuman itna tawh na nasem pa hong bawl in; bang hang hiam cih leh nang tawh a siangtho thuciamna ah na nasem pa na tunpih hi. Ahih hangin kei sungah mawhna a om leh, nang mahmah in kei hong that in; bang hangin na pa kiangah kei hong paipih ding na hi hiam?” a ci hi.