Joshua 2:12 - Tedim Bible Revision 2017

¹² Tua ahih ciangin tu-in note tungah kong dik gamtat bangin note zong ko innkuan ah nong dik gamtat nading uh Topaʼ min tawh kei tungah hong kiciam unla, a man taktak lim khat kei hong pia un.

Tedim Bible

¹² Tua ahih ciangin tu-in note tungah kong dik gamtat bangin note in zong ko’ innkuan-ah nong dik gamtat nading uh Topa min tawh kei tungah hong kiciam un la, a man taktak lim khat kei hong pia-in,

Joshua 2:12 Iomraidhean Croise

Piancilna 21:23

Tua ahih ciangin tu-in kei hitaleh ka tate hitaleh ka suanlekhakte hitaleh tungah a man lopi-in hong bawl loin, nang tungah thuman tak tawh kong gamtat bangin keima tung le tawl khat na omna leitang tungah nong gamtat nadingin Pasian tawh kei tungah hong kiciam in,” a ci hi.

Piancilna 24:3

Nangmah in amauʼ lakah ka teenna Kanaan miteʼ tanute lak panin ka tapaʼ zi ding la loin, keima gam le ka behte kiangah va pai-in ka tapa Isaacʼ zi ding na lak nadingin vantung le leitung Pasian ahi Topa tawh nang kong kiciamsak ding hi,” a ci hi.

Piancilna 24:9

Tua ahih ciangin a nasem pa in a topa Abrahamʼ phei nuai ah a khut koih a, hih thu tawh kisai-in ama tungah a kiciam hi.

Piancilna 40:14

Ahih hangin kei hong phawk in. Nang tungah thu hong hoih ciangin kei tungah hehpihna hong bawl in, kong thum hi. Faroʼ tungah keiʼ thu genin, hih inn panin kei hong la khia in.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

Esther 8:6

Ka mipihte tungah hih siatna lianpi a tung ka muh ding bangci thuak zawh ding ka hi hiam? Ahih kei le ka innkuan pih tungah a tung hih siatna ka muh ding bangci thuak zawh ding ka hi hiam?” a ci hi.

Paikhiatna 12:13

Noteʼ omna inn tunga sisan pen note adingin lim hi ding hi. Sisan ka muh ciangin note kong paisan dinga, Egypt leitang ka vat gawp ciangin note hong susia ding gimna noteʼ tungah hong tung lo ding hi.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Marka 14:44

A lehhek pa in mihonte tungah, “Ka nap pa pen Jesu hi ding hi. Tua pa man unla limtakin cingin paikhiatpih un,” ci-in a gen khol hi.

ROM (Romans) 1:31

gamtat siatna, ciampelna, midangte khual lo, hehpihna nei loin, a sia namkim a gamta uh hi.

1 TIMOTI MASA 5:8

Mi khatpeuh in a beh a phung, a diakdiakin a innkuan sung mite a vak nop kei leh a upna a nusia hi ta a, thu um lo mite sangin sia zaw lai hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Joshua 2:13

Ka nu, ka pa, ka sanggam nute, ka sanggampate le amaute tawh a kizomte khempeuh hong hon unla, sihna panin kote hong suaktasak un,” a ci hi.

Joshua 2:18

En in, hih leitang ah kong pai uh ciangin kote nong khai sukna hih tawlet ah hih khauhual san na khih ding hi. Na inn sungah na nu le na pa, na sanggamte le na paʼ innkuanpihte khempeuh na khawm ding hi.

Joshua 2:19

Mi khatpeuh na inn sung panin kongzing lampi ah a paikhiat le ama sihna pen ama khialhna hang hi dinga, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen koteʼ khialhna hi ding hi.

Joshua 6:22

Tua ciangin Joshua in tua gam thu a va kansim mi nihte kiangah, “Numei paktat nuʼ inn ah va pai unla, tua lai panin a numei le amah tawh a kizom khempeuh, ama tungah na ciam sa bangun hong paikhiatpih un,” a ci hi.

Joshua 9:15

Tua ciangin Joshua in amaute tawh kilemna bawlin, amaute a hinsak nading thuciamna a bawl uh hi. Tua ciangin mihonteʼ makaite amauʼ tungah a kiciam uh hi.

Thukhente 1:24

Thu kan simte in khuapi panin hong paikhia mi khat mu-in ama kiangah, “Khuapi sung lutna lampi hong hilh in, kong thum uh hi, nang tungah kong dik tat ding uh hi,” a ci uh hi.

1 SAMUEL MASA 30:15

Tua ciangin David in ama kiangah, “Hih mite kiangah nong paipih suk nuam ding hiam?” a ci hi. Amah in, “Nangmah in kei nong thah loh nading ahi a, ka topaʼ khut sungah nong apkik loh nading ahi zongin Pasianʼ min tawh kei tungah hong kiciam peuh lecin hih mihonte kiangah nang kong paipih suk ding hi,” a ci hi.