Joshua 2:10 - Tedim Bible Revision 2017

¹⁰ Bang hang hiam cih leh Egypt panin nong paikhiat lai-un Topa in noteʼ mai ah San Tuipi a kansakna le Jordan gal khat a om na suksiat mang uh Amor miteʼ kumpi nihte ahi Sihon le Og tungah na bawlna uh ka za khin uh hi.

Tedim Bible

¹⁰ Bang hang hiam cih leh Izipt panin nong paikhiat lai-un Topa in note mai-ah San Tuipi tui a kan’sakna, leh Jordan gal khata om na suksiat mang uh Amor mite’ kumpi nihte ahi Sihon leh Og tungah na bawlna uh ka za khin uh hi.

Joshua 2:10 Iomraidhean Croise

Late 74:15

Ciktuite le luite na phulsak a, gun tui luangte na kangsak hi.

Gamlak-vakna 20:14

Moses in Kadesh panin Edom kumpipa kiangah kamtaite sawl a, “Na sanggam Israel-te in hih bangin ci hi: Koteʼ tuah khak kamsiatna khempeuh na thei hi.

Gamlak-vakna 23:22

Pasian in Egypt panin amaute paikhiatpih a, amaute in gamsial tha bang hatna nei uh hi.

Gamlak-vakna 24:8

Pasian in Egypt gam panin amaute paikhiatpih a, gamsial bangin amaute thahat uh hi. Amaute in a gal uh ahi minam dangte su gawp ding uh a, amauʼ guhte suzan gawp ding uh a, a thaltang uh tawh amaute kap let ding uh hi.

Thu-hilhkikna 2:30

“Ahih hangin Heshbon kumpipa Sihon in eite hong paisak lo hi; bang hang hiam cih leh tu hun a mah bangin na khut sung uh ah amah hong piak theih nadingin Topa na Pasian un a lungsim khauhsakin, amah paupeengsak hi.

Joshua 24:12

Amor kumpi nihte note mai ah a hawl khia tunpite keimah in note mai ah ka sawl hi. Tua pen noteʼ namsau ahi a, noteʼ thal tawh ahi zongin na dona hang uh hi lo hi.

Joshua 4:24

Topa vanglian mahmah hi, ci-in leitung mi khempeuh in a theih nading le Topa na Pasian uh na zahtak tawntung theih nading uh ahi hi,” a ci hi.

Joshua 5:1

Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.

Joshua 9:10

le Jordan gal khat ah a om Amor kumpi nihte ahi, Ashtaroth ah a teeng Heshbon kumpi Sihon le Bashan kumpi Og tungah a hihte khempeuh a kigenna ka za khin uh hi.