Joshua 19:9 - Tedim Bible Revision 2017

⁹ Simeon minamteʼ luah in Judah minamteʼ gam sung khen khat hong huam hi. Bang hang hiam cih leh Judah minamteʼ ngah pen amau adingin lian lua a, amauʼ luah sung panin Simeon minam in gamh ngah sawn uh hi.

Tedim Bible

⁹ Simeon minam’ luah in Judah minam’ gamsung khenkhat hong suak hi; bang hang hiam cih leh Judah minam’ ngah in amau' adingin lian lua a, amau’ luah sung panin Simeon minam in gamh ngah uh hi.

Joshua 19:9 Iomraidhean Croise

Piancilna 49:7

Amauʼ sinsona lauhuai a, amauʼ hehna kihtakhuai hi. Samsiatna ngah ta uh hen! Jakob suante sungah amaute ka khenthang dinga, Israel sungah amaute ka thehthang ding hi.

Paikhiatna 16:18

Ahih hangin amaute in lawhta khat tawh a teh uh ciangin, a tam a kaikhawmte-aʼ dim val lo a, a tawm a kaikhawmte-aʼ dim lah tuan lo hi. A milipin a khamzah ding khawm uh hi.

Ezekiel 48:7

a zomah Judah Minamte hi ding hi.

Gamlak-vakna 26:54

Minam a tamte tungah gamh a tam na pia dinga, minam a tawmte tungah gamh a tawm na pia ding hi. Minam khempeuh a mi phazah tawh kizui-in gamh kipia ding hi.

Joshua 19:10

A beh tawh kizui-in Zebulun minam adingin aisan thumna hong tung hi. Amauʼ luah gam in Sarid ciang dong ban hi.

Joshua 19:8

Negeb gam Ramah a om Baal-athbeer ciang dong hih khuapiteʼ kiim a om khuaneute khempeuh zong a huam ahi hi. Hihte pen a beh tawh kizui-in Simeon minamteʼ luah ahi hi.