Joshua 19:51 - Tedim Bible Revision 2017

⁵¹ Hihte pen siampi Eleazar le Nun tapa Joshua le Israel minam beh lutangte in kikhopna buk kong, Topaʼ mai Shiloh ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Tedim Bible

⁵¹ Hihte in siampi Eleazar leh Nun tapa Joshua leh Israel minam beh lutangte in kikhopna buk kong, Topa mai Shiloh-ah aisaanna tawh a hawm khiat uh luahnate ahi hi. Tua bangin amaute in leitang hawmna zo uh hi.

Joshua 19:51 Iomraidhean Croise

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Late 78:60

Mihingteʼ lakah ama omna puanbuk ahi, Shiloh khua-a ama omna biakinn nusia a,

Mattiu 20:23

Jesu in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilam a tut ding pen keiʼ hong piak theih hi lo hi. Ka Pa in a seh sa mite ading bek ahi hi,” a ci hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Sawltak 13:19

Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Joshua 14:1

Hihte pen, siampi Eleazar, Nun tapa Joshua le Israel minam sung pan beh lutangte in amaute tungah a piak, Kanaan gam sungah Israel miteʼ ngah gamhte ahi hi.

Joshua 18:1

Tua ciangin Israel mihon buppi Shiloh ah kikhawmin tua lai ah kikhopna buk lam uh a, amauteʼ mai ah gam zawh sa-in om hi.

Joshua 18:10

Joshua in amaute adingin Topaʼ mai Shiloh ah ai sansak hi. Tua ciangin Joshua in amauʼ tanh ding ciat Israel-te tungah leitang a pia hi.

Joshua 20:1

Tua ciangin Topa in Joshua kiangah,

Thukhente 21:19

Tua ahih ciangin amaute in, “En un, Bethel leilu lam, Bethel panin Shekhem lamah a pai to lam lianpi nisuahna lam, Lebonah leitaw lamah a om Shiloh ah Topa ading kumsim pawi khamna om hi,” a ci uh hi.

Thukhente 21:21

vil un. Laamna ah Shiloh nungakte a laam dingin hong pai uh leh, leenggui lote panin note in delhin mi khempeuh in na zi ding ciat uh Shiloh nungakte man unla, Benjamin gamah ciahpih un.

1 SAMUEL MASA 1:3

Elkanah a kumkumin a khuapi panin, Eliʼ tapa nihte Hofni le Finehas in Topaʼ siampi a sepna mun Shiloh ah Vanglian Topa a bia ding le ama tungah biakna a pia dingin a pai zel hi.