Joshua 18:1 - Tedim Bible Revision 2017

¹ Tua ciangin Israel mihon buppi Shiloh ah kikhawmin tua lai ah kikhopna buk lam uh a, amauteʼ mai ah gam zawh sa-in om hi.

Tedim Bible

¹ Tua ciangin Israel mihon buppi Shiloh-ah kikhawm uh a, tua lai-ah kikhopna buk lam uh hi; amaute mai-ah gam zawhsa-in om hi.

Joshua 18:1 Iomraidhean Croise

2 SAMUEL NIHNA 7:6

Israel mite Egypt panin ka paikhiatpih toh ni a kipan tu ni dongin biakinn sungah ka om nai kei a, puanbuk sungah omin ka pai kawikawi hi.

1 KUMPI MASATE 14:2

Jeroboam in a zi kiangah, “Ding inla, na mel kiseelin Jeroboamʼ zi na hih lam kitheisak kei inla, Shiloh ah va pai in. Hih mite tungah kumpi ka hih nading thu a gen kamsang pa Ahijah tua lai ah om hi.

1 KUMPI MASATE 14:4

Jeroboamʼ zi tua bangmahin gamta hi. Amah kithawi-in Shiloh ah pai a, Ahijahʼ inn va tung hi. A khanghamna hangin a mitte maang ahih manin Ahijah in khua mu thei lo hi.

1 KUMPI MASATE 2:27

Tua ahih ciangin Solomon in Topaʼ siampi hihna panin Abiathar hawl khia-in, Eli innkuan tawh kisai thu Topa in Shiloh ah a genna thu tua bangin a tungsak hi.

Nehemiah 9:24

A suan a khakte uh tua gamah lutin a lak uh ciangin, amauʼ mai ah tua gam a teeng Kanaan mite na nuaisiah a, a ut bangbangun a bawl dingun a kumpite le a mite amauʼ khut sungah na pia hi.

Late 78:60

Mihingteʼ lakah ama omna puanbuk ahi, Shiloh khua-a ama omna biakinn nusia a,

Late 78:66

Amah in a langpangte zo a, a maizum tawntung dingin amaute a koih hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Jeremiah 26:9

Bang hangin, ‘Hih biakinnpi pen Shiloh tawh kibang dinga, hih khuapi ah a teeng om loin gam simtham suak ding hi,’ ci-in Topaʼ minin thu hilh ngam na hi hiam?” ci-in a gen uh hi. Topaʼ biakinnpi sungah a om mi khempeuh in Jeremiah a umcih uh hi.

Jeremiah 41:5

Shekhem, Shiloh le Samaria khuate panin mi sawm giat hong pai uh hi. Amaute in a khamul uh metin a puan uh bal kekin, a pumpi uh a kikui gawp sa-in Topaʼ biakinn ah an tawh biakna le paknamtui tawh biakna a piak ding uh hong tawi khawm uh hi.

Gamlak-vakna 32:22

Topaʼ mai ah leitang a kilak matengin na om uh leh, Topa le Israel mite ading na sep ding teng uh a zo khin na hih manun note na ciahkik ding uh a, hih leitang pen Topaʼ mai ah noteʼ neihsa hi ding hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Joshua 18:2

Israel mite lakah gamh a kipia nai lo minam sagih om lai hi.

Joshua 18:8

Tua ahih ciangin mite a kuan uh hi. Leitang a ciaptehna a gelh nadingun Joshua in a pai mite thu pia a, “Vaksuk vakto-in leitang ciaptehna hong gelh unla, kei kiangah hong paikik un. Tua ciangin Shiloh mun Topaʼ mai ah note adingin ai ka san ding hi,” a ci hi.

Joshua 19:51

Hihte pen siampi Eleazar le Nun tapa Joshua le Israel minam beh lutangte in kikhopna buk kong, Topaʼ mai Shiloh ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Joshua 21:2

Amaute in Kanaan gam sung Shiloh munah, “Ten nadingin khuapi le ka ganhingte uh adingin a lo nonate tawh kote hong kipiak ding Moses tungtawnin Topa in thu pia zo hi,” ci-in amaute kiangah a gen uh hi.

Joshua 22:12

Israel mite in tua thu a zak uh ciangin amaute a do dingin Israel mihon buppi khempeuh Shiloh ah kikhawm uh hi.

Joshua 22:19

Ahih hangin tu-in noteʼ lak na leitang uh nin ahihleh Topaʼ biakbuk a dinna mun Topaʼ leitang ah hong pai unla, koteʼ lakah luah hong nei un. Topa lehdo kei unla, Topa i Pasianʼ biakna tau sim loh note ading biakna tau na lamna uh tawh kote a lehdo hong suaksak kei un.

Joshua 22:9

Tua ahih ciangin Reuben mite, Gad mite le Manasseh minam a langte, Moses tungtawnin Topaʼ thupiakna tawh a neih uh amauʼ leitang ahi Gilead gamah a pai dingin Kanaan gam sunga om Shiloh munah Israel mite tawh kikhenin a inn uh ah a ciah uh hi.

Thukhente 18:31

Tua ahih ciangin Shiloh ah Pasianʼ biakbuk a om sungteng Mikahʼ bawl sa a kiseek milim tua lai ah a om hi.

Thukhente 21:12

Amaute in Jabesh-gilead a teeng mite lakah pasal tawh a lum khawm nai lo nungak no za li mu uh a, Kanaan gam a om Shiloh giahphual ah tuate hong paipih uh hi.

Thukhente 21:19

Tua ahih ciangin amaute in, “En un, Bethel leilu lam, Bethel panin Shekhem lamah a pai to lam lianpi nisuahna lam, Lebonah leitaw lamah a om Shiloh ah Topa ading kumsim pawi khamna om hi,” a ci uh hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat le leenggahzu savun thawl khat tawh amah la-in, Shiloh a Topaʼ inn ah amah a paipih hi.

1 SAMUEL MASA 1:3

Elkanah a kumkumin a khuapi panin, Eliʼ tapa nihte Hofni le Finehas in Topaʼ siampi a sepna mun Shiloh ah Vanglian Topa a bia ding le ama tungah biakna a pia dingin a pai zel hi.