Joshua 17:4 - Tedim Bible Revision 2017

⁴ Amaute, siampi Eleazar le Nun tapa Joshua le makaite mai ah pai uh a, “Ka sanggamte uh tawh gamh hong piak nadingin Topa in Moses thu pia hi,” a ci uh hi. Tua ahih ciangin Topaʼ thupiakna bangin amau pateʼ sanggamte tawh amah in gamh a pia khawm hi.

Tedim Bible

⁴ Amaute siampi Eleazar leh Nun tapa Joshua leh makaite mai-ah pai uh a, “Ka sanggamte uh tawh gamh hong piakna dingin Topa in Moses thu pia hi,” a ci uh hi. Tua ahih ciangin Topa' thupiakna bangin amau’ pate’ sanggamte tawh amah in gamh pia khawm hi.

Joshua 17:4 Iomraidhean Croise

Gamlak-vakna 27:1

Tua ciangin Josefʼ tapate sung panin Manassehʼ tapa Makhir, Makhirʼ tapa Gilead, Gileadʼ tapa Hefer, Heferʼ tapa Zelofehadʼ tanute a nai ah hong pai uh hi. Ama tanuteʼ minte in: Mahlah, Noah, Hoglah, Milkah le Tirzah ahi hi.

Gamlak-vakna 27:4

Amah in tapa a neih loh man bekin bang hangin a beh sung panin ka pa uhʼ min mangthang ding ahi hiam? Ka pa uh sanggamteʼ lakah kote zong neihsa hong pia un,” a ci uh hi.

Gamlak-vakna 36:10

Topa in Moses a thupiak bangin Zelofehadʼ tanute gamta uh hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

Joshua 14:1

Hihte pen, siampi Eleazar, Nun tapa Joshua le Israel minam sung pan beh lutangte in amaute tungah a piak, Kanaan gam sungah Israel miteʼ ngah gamhte ahi hi.

Joshua 17:5

Tua ahih ciangin Jordan gal khat ah Gilead le Bashan-te sim loh Manasseh tungah tanh sawm kia hi.

Joshua 21:1

Tua ciangin siampi Eleazar le Nun tapa Joshua le Israel minam beh lutangte kiangah Levi beh lutangte hong pai uh hi.