Joshua 17:18 - Tedim Bible Revision 2017

¹⁸ Mual tung gam pen note aʼ hi dinga, tulak ahih hangin note in hah siangin a gamgi mong dong na luah ding uh hi. Bang hang hiam cih leh amaute in sikleeng nei-in, amaute a thahat hangin Kanaan mite na hawl khia zo ding uh hi,” a ci hi.

Tedim Bible

¹⁸ mualtung gam in note’ aa hi ding a, tulak ahih hangin note in hah siangin a gamgi mong dong na luah ding uh hi; bang hang hiam cih leh amaute in sik leeng nei-in, amaute a thahat hangin Kanaan mite na hawlkhia zo ding uh hi,” a ci hi.

Joshua 17:18 Iomraidhean Croise

Piancilna 49:24

Ahih hangin ama thal liing loin om a, a khutte kizaptelsak hi. Jakobʼ Vanglian Paʼ khut (Israel Suangpi, Tuucingpaʼ min),

2 SAMUEL NIHNA 18:6

Tua ahih ciangin Israel-te a do dingin gamlak ah galkapte kuan khia uh a, Efraim tulak ah kido uh hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

ROM (Romans) 8:37

Eite a hong it paʼ hangin hih thu khempeuh ah a gualzo pente ihi hi.

Thu-hilhkikna 33:17

A tacil, bawngtal bangin thahat a, a kite, gamsial kite tawh kibang hi. Amah in tuate tawh mite nawt dinga, leimong dongah amaute khempeuh phul ding hi. Efraim mi tul sawmte tua bang hi a, Manasseh minam tul tampite zong tua bangmah ahi hi,” a ci hi.

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Joshua 13:6

Lebanon le Misrefoth-maim kikalah a teeng Sidon mite khempeuh ahi hi. Kei mahmah in Israel miteʼ mai panin amaute ka hawl khia dinga, nang kong thupiak sa bangin Israel mite tungah a luah dingun leitang hawm in.

Joshua 15:9

Tua ciangin mual dawn panin Neftoah lui ah gamgi kikhung a, tua panin Efron Mual khuapite ah pai a, tua ciangin Baalah (Kiriath-jearim a cihna) lamah gamgi kawi kual hi.

Joshua 17:17

Tua ciangin Joshua in Josefʼ suan Efraim le Manasseh mite tungah, “Note mi tampi pha-in vanglian na hih manun tanh khat kia na nei kei ding uh hi.

Joshua 20:7

Tua ahih ciangin amaute in Naftali mual tung gam sunga om Galilee gam sung panin Kedesh khua, Efraim mual tung gam sungah Shekhem khua le Judah mual tung gam sungah Kiriath-arba (Hebron a cihna) khuate a tuam koih uh hi.

1 SAMUEL MASA 1:1

Efraim mi Zufʼ tapa Tohu, a tapa Elihu, a tapa Jehoram, a tapa Elkanah a kici min nei mi khat Efraim mual tung gam Ramathaimzofim ah om hi.