Joshua 17:14 - Tedim Bible Revision 2017

¹⁴ Tua ciangin Josef minam in Joshua kiangah thu genin, “Topa in kote thu hong pia khin a, kote mi tampi hi napi-in bang hangin ngah khat le tanh khat bek gamh-in hong pia na hi hiam?” a ci uh hi.

Tedim Bible

¹⁴ Tua ciangin Josef minam in Joshua kiangah thu genin, “Topa in kote thupha hong pia khin a, kote in mi tampi hi napi-in bang hangin ngah khat leh tanh khat bek gamh-in hong pia na hi hiam?" a ci uh hi.

Joshua 17:14 Iomraidhean Croise

Piancilna 48:19

Ahih hangin a pa in nial a, “Ka thei hi, ka ta aw; ka thei hi. Amah zong mi khat suak dinga, amah zong lian ding hi. Ahi zongin amah sangin a naupa lian zaw dinga, a suanlekhakte, minam lianpi khat suak ding hi,” a ci hi.

Piancilna 48:20

Tua ahih ciangin amah in tua ni-in amaute thupha pia a, “Note, Israel sungah thupha na hi ding uh a, ‘Pasian in Efraim le Manasseh bangin note hong bawl hen,’ kici ding hi,” a ci hi. Tua bangin Jakob in Manassehʼ mai ah Efraim a koih hi.

Piancilna 48:22

Tua tham loin, ka namsau le ka thal tawh Amor miteʼ khut tung panin ka lak mual pang khat, na sanggamteʼ tung sangin nangʼ tungah kong pia zaw hi,” a ci hi.

Ezekiel 48:5

a zomah Efraim Minamte,

Gamlak-vakna 26:54

Minam a tamte tungah gamh a tam na pia dinga, minam a tawmte tungah gamh a tawm na pia ding hi. Minam khempeuh a mi phazah tawh kizui-in gamh kipia ding hi.

Gamlak-vakna 36:12

Josefʼ ta Manassehʼ tapateʼ innkuan sungah amaute in pasal nei uh a, a pate nam innkuan sungah amauʼ gamhluahte a kip hi.

Joshua 16:4

Josefʼ suan Manasseh le Efraim mite in amauʼ gamhluah dingin hih gamte ngah uh hi.

Joshua 17:15

Tua ciangin Joshua in amaute kiangah, “Note mi tampi pha a, Efraim mual tung gam pen note adingin neu lua ahih ciangin Perez le Refaim gam tulak ah pai unla, nomau adingin gam sat tawm un,” a ci hi.