Joshua 17:13 - Tedim Bible Revision 2017

¹³ Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawl khia mangkhin lo uh hi.

Tedim Bible

¹³ Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawl khia mang khin lo uh hi.

Joshua 17:13 Iomraidhean Croise

Piancilna 49:15

A tawlngakna mun hoih sa a, a leitang noptuak sa hi. Tua ahih ciangin van pua dingin a liangko niamsak a, sila bangin na kisemsak hi.

2 SAMUEL NIHNA 3:1

Saulʼ innkuan le Davidʼ innkuanteʼ kikalah sau veipi gal kidona om hi. David thahat semsem a, Saul thaneem semsem hi.

1 KUMPI MASATE 9:21

Israel mite in a suksiat khit siang zawh loh, tua gamah amauʼ nung a a om lai a suanlekhakte uh, Solomon in aana tawh na a sem salin bawl ahih ciangin tu ni dongin tua bangmahin amaute om uh hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Joshua 16:10

Ahi zongin amaute in Gezer sunga teeng Kanaan mite hawl khia lo uh hi. Tua ahih ciangin tu ni dongin Kanaan mite pen Efraim mite lakah teeng a, ahih hangin aana nasep a sem dingin sal a suak uh hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Thukhente 1:28

Ahi zongin Israel-te a thahat uh ciangin amaute in aana tawh na a sem dingin Kanaan mite koih uh a, hawl khia siang lo uh hi.

Thukhente 1:30

Zebulun minamte in Kitron-a teeng mite ahi a, Nahalol a teeng mite ahi zongin hawl khia lo a, Kanaan mite amaute lakah teengin aana tawh nasemte a suak uh hi.

Thukhente 1:33

Naftali minamte in Beth-shemesh a teengte ahi a, Beth-anath a teengte ahi zongin hawl khia loin, tua gam a teeng Kanaan mite lakah a teeng uh hi. Ahi zongin Beth-shemesh le Beth anath a teeng mite pen amaute adingin aana tawh na a sem mite a suak uh hi.

Thukhente 1:35

Amor mite pen Harheres, Aijalon le Shaalbim ah teeng uh a, ahih hangin Josef minamte in amaute gawt semsem a, amaute pen aana tawh nasemte a suak uh hi.