Joshua 17:11 - Tedim Bible Revision 2017

¹¹ Issakhar le Asher gam sungah zong Manasseh in gam ngah a, tuate pen Beth-shean le a khuaneute, Ibleam le a khuaneute, Dor-a teengte le a khuaneute, Endor a teengte le a khuaneute, Taanak a teengte le a khuaneute le Megiddo a teengte le a khuaneute hi a, a thumna pen Nafath ahi hi.

Tedim Bible

¹¹ Issakhar leh Asher gam sungah zong Manasseh in Bethshean leh a khua neute, Ibleam leh a khua neute, Dor-a teengte leh a khua neute, Endor-a teengte leh a khua neute, Ta-anak-a teengte leh a khua neute, leh Megiddo-a teengte leh a khua neute nei hi; a thumna in Nafath ahi hi.

Joshua 17:11 Iomraidhean Croise

2 SAMUEL NIHNA 21:12

David pai-in Gilboa mual tungah Filistia-te in Saul a thah lai hunin Filistia-te in amaute a khaina mun Bethshan khua sung kongzing lampi laizang panin a luanghawm a guksak Jabesh-gilead miteʼ tung panin Saulʼ guhte le a tapa Jonathanʼ guhte a lakik hi.

1 KUMPI MASATE 9:15

Topaʼ biakinn, ama inn, Jerusalem kulh le Hazor, Megiddo le Gezer khuate a lam dingin Kumpi Solomon in aana tawh na a semte a la hi.

2 KUMPI NIHNATE 9:27

Judah kumpipa Ahaziah in hih thu a muh ciangin Beth-haggan lamah a tai hi. Tua ciangin Jehu in amah delhin, “Amah zong kap un,” a ci hi. Tua ciangin amaute in Ibleam gei, Gur kah tohna san a leeng sungah amah kap uh hi. Ahih hangin amah Megiddo khuapi ciang dong tai zo lai a, tua khua ah a si hi.

1 KHANG TANGTHU MASATE 6:70

le Manasseh minam a langteʼ gam sung panin Aner a lo nona gamte tawh le Bileam a lo nona gamte tawh hi a, hihte pen Kohath-te beh a omlaite ading ahi hi.

1 KHANG TANGTHU MASATE 7:29

Manassehʼ suante in Beth-shean le a khuapite, Taanak le a khuapite, Megiddo le a khuapite, Dor le a khuapite a uk uh hi. Hihte sungah Israelʼ tapa Josefʼ suante a teeng uh hi.

2 KHANG TANGTHU NIHNATE 35:22

Ahi zongin ama kiang panin Josiah kihei khia nuam lo a, amah tawh a kido theih nadingin a mel kiseel hi. Amah in Nekoʼ kam pan a Pasianʼ thugente ngai lo a, Megiddo zanglei a gal kidona ah va pawm hi.

Jeremiah 49:2

Tua ahih manin, Topa in kong cih in ah, Ammon gam Rabbah khua kisimin, galdona aw a kizak hun ka tungsak ding hi. Tua khuapi kisusia mang dinga, a khuaneute a kihal tum ding hi. Tua ciangin Topa in kong cih in ah, Israel mite in a gam uh a laksakteʼ kiang panin a gam uh a ngahkik ding uh hi.

Zekhariah 12:11

Tua hun laitakin Jerusalem khua sungah kapin thumna pen Megiddo zanglei-a Hadad-rimmon pasianʼ sihna hangin kahna le thumna zah mahin nasia ding hi.

Joshua 11:2

saklam mual tung le Khinneroth leitaw lam a om Arabah gam sung le Jordan gunkuam le nitumna lamah Nafathdor gam sunga om kumpite,

Joshua 12:21

Taanak kumpi, khat; Megiddo kumpi, khat;

Joshua 12:23

Nafathdor sunga Dor kumpi, khat; Galilee sunga Goiim kumpi, khat;

Joshua 16:9

Manasseh miteʼ gamhluah sung panin Efraim mite adingin a kikhen khia khuapite, a khuaneute tawh ahi hi.

Joshua 17:10

Tua gam leitaw lam teng Efraim aʼ hi-in, a leilu lam teng Manasseh aʼ hi a, tuipi pen a gamgi hi a, leilu lamah Asher banin nisuahna lamah Issakhar a ban hi.

Joshua 17:16

Josef minam in, “Kote adingin mual tung gam kicing zo lo hi. Ahi zongin zang gam a teeng Kanaan mite khempeuh, Beth-shean le a khuaneute, Jezreel Kuam sunga om mite pen sikleeng neite hi zel uh hi,” a ci uh hi.

Thukhente 1:27

Manasseh mite in Beth-shean le a khuaneute-a teeng mite, Taanak le a khuaneute-a teeng mite, Dor le a khuaneute-a teeng mite, Ibleam le a khuaneute-a teeng mite ahi a, Megiddo le a khuaneute-a teeng mite ahi zongin hawl khia lo uh ahih manin Kanaan gam mite tua leitang ah teeng lai uh hi.

Thukhente 5:19

“Kumpite hong pai-in do uh hi. Tua ciangin Kanaan kumpite in Megiddo tuiteʼ gei, Taanak ah do uh a, amaute in a kinusia ngunte ngah lo uh hi.

1 SAMUEL MASA 28:7

Tua ciangin Saul in a nasemte kiangah, “Ama kiangah pai-in ama tung pan thu ka dot theih nadingin vankah thei numei khat kei adingin hong zonsak un,” a ci hi. A nasemte in ama kiangah, “En in, Endor ah vankah thei khat om hi,” a ci uh hi.

1 SAMUEL MASA 31:10

Amaute in Ashtaroth biakinn sungah ama galhiam koih uh a, Bethshan khuakulh ah ama luang a suang uh hi.

1 SAMUEL MASA 31:12

a hang mi khempeuh dingin zan tawntung pai uh a, Bethshan kulh tung panin Saulʼ luang le a tapateʼ luangte va la uh hi. Amaute in Jabesh ah tunpihin tua lai ah a hal uh hi.