Joshua 17:1 - Tedim Bible Revision 2017

¹ Tua ciangin Josefʼ tacil ahih manin Manasseh minam tungah tanh kipia hi. Manasseh minam sung panin tacil, Gileadʼ pa Makhir tungah Gilead gam le Bashan gam kipia hi. Bang hang hiam cih leh amah galhang mi ahi hi.

Tedim Bible

¹ Tua ciangin Josef tacil ahih manin Manasseh minam tungah tanh kipia hi. Manasseh minam sung pan tacil, Gilead’ pa Makhir tungah Gilead gam leh Bashan gam kipia hi; bang hang hiam cih leh amah galhang mi ahi hi.

Joshua 17:1 Iomraidhean Croise

Piancilna 41:51

Josef in a ta masa Manasseh a phuak hi. Amah in, “Pasian in ka haksatna khempeuh le ka paʼ innkuan khempeuh a mangngilhin hong bawl hi,” ci hi.

Piancilna 41:52

A nihna pen amah in Efraim a phuak hi. “Ka thuakna gam sungah kei a pungin hong bawl hi,” ci hi.

Piancilna 46:20

Josef in Egypt gamah On khua siampipa Potiferaʼ tanu Asenath tawh Manasseh le Efraim nei hi.

Piancilna 48:17

A pa in a taklam khut Efraimʼ lu tungah a koih Josef in a muh ciangin, tua in amah lungkimsak lo hi. Efraimʼ lu panin Manassehʼ lu tungah koih dingin amah in a paʼ khut a la hi.

Piancilna 48:18

Josef in a pa kiangah, “Hi lo hi, pa aw; hih pen a suak masa ahi hi. Na taklam khut ama lu tungah koih in,” a ci hi.

Piancilna 50:23

Josef in khang thumna ahi Efraimʼ tate mu hi. Manassehʼ tapa Makhirʼ tate zong Josefʼ inn sung mahah suak uh hi.

2 SAMUEL NIHNA 2:9

Amah in Gilead, Ashur, Jezreel, Efraim, Benjamin le Israel khempeuh tungah kumpi-in amah bawl hi.

1 KHANG TANGTHU MASATE 2:23

Ahih hangin Geshur le Aram in amaute tung panin Havvoth jair khua le Kenath le a khuaneute, khua sawm guk la hi. Hihte khempeuh pen Gileadʼ pa Makhirʼ suanlekhakte ahi uh hi.

Ezekiel 47:13

Tua ciangin Topa Pasian in kei kiangah, “Israel minam sawm le nihteʼ gamh dingin leitang hawm ding a gamgi ding hih bang hi ding hi. Josef minamte in a dangteʼ ngah zah nih ngah ding uh hi.

Ezekiel 48:4

a zomah Manasseh Minamte,

Gamlak-vakna 26:29

Manasseh minamte: Makhir pan Makhir behte ahi uh hi; Makhir pen Gileadʼ pa ahi hi; Gilead pan Gilead behte ahi uh hi.

Gamlak-vakna 27:1

Tua ciangin Josefʼ tapate sung panin Manassehʼ tapa Makhir, Makhirʼ tapa Gilead, Gileadʼ tapa Hefer, Heferʼ tapa Zelofehadʼ tanute a nai ah hong pai uh hi. Ama tanuteʼ minte in: Mahlah, Noah, Hoglah, Milkah le Tirzah ahi hi.

Gamlak-vakna 32:33

Tua ahih ciangin Moses in Gad minamte, Reuben minamte le Josefʼ tapa Manasseh minam a langte tungah, Amor kumpi Sihonʼ gam le Bashan kumpi Ogʼ gam, a leitang le a khuapite a gam sung tawh, a gam sunga leitang tunga om khuapi khempeuh a pia hi.

Thu-hilhkikna 21:17

Ama neihsa khempeuh tanh nih piakna tawh a muhdah nuʼ tapa a tacil mahin sang ding hi. Bang hang hiam cih leh tua pa pen ama sung panin a piang masa pen ahih manin tacil hihna za pen ama aʼ ahi hi.

Joshua 17:2

Tua ciangin Manasseh minam a omlaite Abiezer, Halek, Asriel, Shekhem, Hefer le Shemida-te tungah a behbehin piakna kinei hi. Hihte pen Josefʼ tapa Manassehʼ ta pasal suanlekhakte a behbeh ahi hi.

Joshua 22:7

Tu-in Manasseh minam a langte tungah Moses in Jordan nisuahna lam Bashan gam sungah neihsa pia khin hi. Ahi zongin Joshua in a langte tungah Jordan nitumna lam a sanggamte kiang uh ah neihsa a pia hi. Joshua in amaute a inn uh ah sawlin thupha a piak ciangin

Thukhente 5:14

Efraim panin amaute ding khia-in tua kuamah pai uh a, nang, Benjamin, na behte tawh hong zui uh hi. Makhir panin a ukte hong pai sukin, Zebulun panin ulian paʼ ciangkhut a tawite hong pai suk uh hi.