Joshua 15:8 - Tedim Bible Revision 2017

⁸ Tua ciangin Jebus (Jerusalem a cihna) liangko leitaw lam Hinnomʼ tapaʼ kuamah gamgi pai to-in, Refaim kuam leilu lam mong, nitumna lam Hinnom Kuam gal khat ah a kikhung mual dawnah gamgi pai to hi.

Tedim Bible

⁸ tua ciangin Jebus mi (Jerusalem a cihna) liangko leitaw lam Hinnom' tapa kuam-ah gamgi paito hi; tua ciangin Refaim kuam leilu lam mong, nitumna lam Hinnom Kuam gal khatah a kikhung mual dawn-ah gamgi paito hi;

Joshua 15:8 Iomraidhean Croise

2 SAMUEL NIHNA 5:18

Tu-in Filistia-te hong pai-in Refaim kuam sung dim uh hi.

2 SAMUEL NIHNA 5:22

Tua ciangin Filistia-te hong kuan tokik lai-in Refaim kuam sung dim khin uh hi.

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

1 KHANG TANGTHU MASATE 11:4

Tua ciangin Jebus mite a teenna, Jebus a kici Jerusalem ah David le Israel mi khempeuh hong pai uh hi.

2 KHANG TANGTHU NIHNATE 28:3

Tua ciangin Hinnomʼ tapaʼ kuamah paknamtui hal a, Topa in Israel-teʼ mai ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

Nehemiah 11:30

Zanoah, Adullam le a khuaneute, Lakhish le a lote le Azekah le a khuaneute ahi hi. Tua hi a, amaute pen Beer-sheba panin Hinnom Kuam dongah teeng uh hi.

Isaiah 17:5

An a la mi in ankung ding laite kaikhawmin ante a kilak khit ciangin leitang a hawmguakin a om tawh kibang dinga, mi khat in Refaim Kuam sungah ansang a kaihkhop khit ciangin lo lai a hawmguakin a om tawh zong kibang ding hi.

Jeremiah 19:14

Tua ciangin Topa in thu gen dinga hong sawlna Tofeth panin ka ciahkik a, Topaʼ biakinn sungah dingin mi khempeuh kiangah thu ka gen a,

Jeremiah 19:2

nisuahna lam kongpi gei, Hinnom kuam ah pai-in, kong gen thute tua lai ah va taangko in.

Jeremiah 19:6

Tua ahih manin, en un, Topa in kong cih in ah, hih mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kici zaw ding hi.

Joshua 15:63

Ahih hangin Judah mite in Jerusalem-a a teeng Jebus mite hawl khia zo lo uh hi. Tua ahih ciangin tu ni dongin Jebus mite pen Judah mite tawh Jerusalem ah a teeng khawm uh hi.

Joshua 18:16

Tua ciangin Refaim kuam leilu lam mong a om, Hinnomʼ tapaʼ kuam a kimuhna mual a gamgi ah pai hi. Tua ciangin Jebus miteʼ gam liangko leitaw lam, Hinnom Kuam ah pai sukin, Enrogel ah pai suk suak hi.

Joshua 18:28

Zela, Haelef, Jebus (Jerusalem a cihna), Gibeah le Kiriath-jearim - khuapi sawm le li, a khuaneute tawh zong ahi hi. Hihte pen a beh tawh kizui-in Benjamin minamteʼ luah ahi hi.

Thukhente 1:21

Ahih hangin Benjamin mite in Jerusalem ah a teeng Jebus mite hawl khia lo uh ahih manin tu ni dongin Jebus mite pen Jerusalem ah Benjamin mite tawh a teeng khawm uh hi.

Thukhente 1:8

Tua ciangin Judah mite in Jerusalem simin la uh a, a mite thatin a khuapi hal uh hi.

Thukhente 19:10

Ahih hangin mipa tua zan taam nawn lo hi. Amah dingin paikhia a, Jebus (Jerusalem a cihna) gal khat tung hi. Amah pen tuanna a kivawh la nih le a zineu tawh ahi hi.