Joshua 15:11 - Tedim Bible Revision 2017

¹¹ Ekron leilu lam mual liangko ah a gamgi paikhia a, tua ciangin Shikkeron ah gamgi kawi kualin, Baalah Mual ah paisuak a, Jabneel ah leng khia-in tuipi ah a gamgi tawp hi.

Tedim Bible

¹¹ Ekron leilu lam mual liangko-ah gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabne-el-ah leng khia hi; tua ciang tuipi-ah gamgi tawp hi.

Joshua 15:11 Iomraidhean Croise

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baal-zebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkik zo nawn kei dinga, na si taktak ding hi,’ ci hi,” a ci hi.

2 KUMPI NIHNATE 1:6

Tua ciangin amaute in ama kiangah, “Kote a dawn dingin mi khat hong pai-in kote kiangah, ‘Note hong sawl kumpipa kiangah paikik unla, Topa in hih bangin ci hi: Ekron pasian, Baal-zebub kiangah thu a dong dingin mi na sawl nadingin Israel sungah Pasian om nawn lo ahi hiam? Tua ahih ciangin tu-a na liamna panin na damkik zo nawn kei dinga, na si taktak ding hi,’ hong ci hi,” a ci uh hi.

2 KHANG TANGTHU NIHNATE 26:6

Amah kuan khia-in Filistia mite va sim a, Gath khuapi kulh, Jabneh khuapi kulh le Ashdod khuapi kulh sucim hi. Tua ciangin amah in Ashdod gam sung le Filistia-teʼ gam sung mun dangte ah khuapite a lam hi.

Gamlak-vakna 34:6

“Nitumna gamgi dingin Tuipi Lian le a gei dung teng na nei ding uh hi; hih pen nitumna lam na gamgi uh hi ding hi.

Joshua 15:10

Tua ciangin Baalah nitumna lam Seir Mual ah gamgi kual a, tua panin pai suakin Jearim Mual (Khesalon a cihna) liangko leilu lamah pai-in, Beth-shemesh ah pai suk a, Timnah kiangah paisuak hi.

Joshua 15:12

Tua ciangin nitumna gamgi pen Tuipi Lian dung teng ahi hi. Hih pen amauʼ beh tawh kizui-in Judah miteʼ kiimah a gamgi ahi hi.

Joshua 15:45

Ekron a khuapite le a khuaneute tawh ahi hi.

Joshua 15:9

Tua ciangin mual dawn panin Neftoah lui ah gamgi kikhung a, tua panin Efron Mual khuapite ah pai a, tua ciangin Baalah (Kiriath-jearim a cihna) lamah gamgi kawi kual hi.

Thukhente 1:18

Judah mite in zong Gaza le a gam, Ashkelon le a gam le Ekron le a gamte a la uh hi.

1 SAMUEL MASA 17:52

Tua ciangin Israel-te le Judah-te awngin ding uh a, Gath le Ekron kulh kongpi ciang dong Filistia-te delh uh ahih manin Shaarim panin Gath le Ekron ciang dong Filistia mi a liamte puk uh hi.

1 SAMUEL MASA 5:10

Tua ahih ciangin amaute in Pasianʼ Thuciamna Singkuang Ekron ah puak uh hi. Ahih hangin Pasianʼ Thuciamna Singkuang Ekron a tun ciangin Ekron mite kiko uh a, “Kote le ka mite uh a that dingin amaute in Israel-teʼ Pasianʼ Thuciamna Singkuang ko kiangah hong paipih uh hi,” a ci uh hi.

1 SAMUEL MASA 5:8

Tua ahih ciangin amaute in mi sawlin Filistia uliante khempeuh khawm uh a, “Israel-teʼ Pasianʼ Thuciamna Singkuang bang cih ding ihi hiam?” a ci uh hi. Amaute in dawngin, “Israel-teʼ Pasianʼ Thuciamna Singkuang Gath ah koihsak ni,” a ci uh hi. Tua ahih ciangin amaute in Israel-teʼ Pasianʼ Thuciamna Singkuang tua lai ah paipih uh hi.

1 SAMUEL MASA 7:14

Israel-teʼ tung panin Filistia-te in a lak sa khuapite, Ekron panin Gath ciang kikal sungteng, Israel-te tungah kipiakik a, Israel-te in Filistia-teʼ khut sung panin a gam uh lakik uh hi. Israel-te le Amor mite kikalah zong kilemna om hi.