Joshua 14:6 - Tedim Bible Revision 2017

⁶ Tua ciangin Judah minamte Gilgal-a Joshua kiangah pai uh a, amaute sung panin Kenaz mi Jefunneh tapa Kaleb in ama kiangah, “Topa in Kadesh-barnea ah Pasian mi Moses tungah nang le keiʼ thu tawh kisai a gente na thei hi.

Tedim Bible

⁶ Tua ciangin Judah minamte Gilgal-a Joshua kiangah pai uh a, amaute’ sung panin Kenaz mi Jefunneh tapa Kaleb in ama kiangah, “Topa in Kadesh-barnea-ah Pasian’ mi Moses tungah nang leh kei’ thu tawh kisai a gente na thei hi.

Joshua 14:6 Iomraidhean Croise

1 KUMPI MASATE 13:1

Tua laitakin Topaʼ sawlna tawh Judah panin Pasianʼ mi khat Bethel ah hong pai hi. Paknamtui hal dingin biakna tau gei ah Jeroboam na ding hi.

1 KUMPI MASATE 13:14

Tua ciangin Pasianʼ mipa nungah amah pai a, tawsaw khat nuai ah tu-in amah mu hi. Tua ciangin amah in Pasianʼ mipa kiangah, “Nang pen Judah panin a hong pai Pasianʼ mipa na hi hiam?” a ci hi. Amah in, “Ka hi hi,” a ci hi.

2 KUMPI NIHNATE 4:16

Tua ciangin amah in, “A hun hong tun ciangin tapa khat na tawi ding hi,” a ci hi. Tua ciangin tua nu in, “Hi lo hi, ka topa, Pasianʼ mipa aw; na nasem nu tungah zuau kei in,” a ci hi.

2 KUMPI NIHNATE 4:42

Mi khat Baal-shalishah panin hong pai-in Pasianʼ mipa kiangah anpal-anlum, mangbuhham lum sawm nih le anvui a thak a van sungah hong pua hi. Tua ciangin Elisha in a nasem pa kiangah, “Amaute in a nek theih nadingun kamsangte tungah pia in,” a ci hi.

2 KUMPI NIHNATE 4:9

Tua ciangin tua numei in a pasal kiangah, “Tu-in en in, hih lai mun hong nawk tawntung pa pen Pasianʼ mi siangtho hi, ci-in ka thei hi.

2 KUMPI NIHNATE 8:11

Tua ciangin amah a maizum dongin a etna mun mah en denin Hazael sal gega hi. Tua ciangin Pasianʼ mipa a kap hi.

2 KUMPI NIHNATE 8:7

Syria kumpipa Benhadad cina-in a om laitakin Damaskas ah Elisha hong pai hi. Ama kiangah, “Hih lai ah Pasianʼ mipa hong pai hi,” ci-in a kigen ciangin

1 KHANG TANGTHU MASATE 23:14

Ahih hangin Pasianʼ mipa Mosesʼ tapate ahihleh Levi minamte lakah kisim hi.

Late 90:1

Topa aw, khang tawntungin koteʼ omna mun na hi hi.

Jeremiah 35:4

Amaute, Topaʼ biakinn sung, kumpi ulianteʼ inn dei gei, Shallumʼ tapa, kongpi uk biakinn upa lian Maaseiahʼ inn dei tung sanah a om, Igdaliahʼ tapa, Pasianʼ mi ahi Hananʼ tateʼ inn dei sungah ka lutpih hi.

Gamlak-vakna 13:26

Paran gamlak Kadesh mun a Moses le Aaron le Israel mihonte khempeuh kiangah amaute hong tung uh hi. Amaute le mihon khempeuh tungah thu puakkik uh a, tua leitang a gahte amaute a lak uh hi.

Gamlak-vakna 13:30

Ahih hangin Kaleb in Mosesʼ mai ah mite gamdaisakin, “Thakhatin pai to-in va luah ni; bang hang hiam cih leh eite pen a zo thei mahmah ding ihi hi,” a ci hi.

Gamlak-vakna 14:24

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitang ah ka tunpih dinga, ama suanlekhakte in tua leitang luah ding uh hi.

Gamlak-vakna 14:30

Jefunnehʼ tapa Kaleb le Nunʼ tapa Joshua sim loh, note tengsak dingin ka kiciamna leitang ah khat beek na tung kei ding uh hi.

Gamlak-vakna 14:6

Gam vaanteʼ lakah a kihel Nunʼ tapa Joshua le Jefunnehʼ tapa Kaleb-te in a puan uh bal kekin,

Gamlak-vakna 26:65

Bang hang hiam cih leh Topa in amauteʼ thu a genna ah, “Amaute gamlak ah si ding uh hi,” a ci hi. Jefunnehʼ tapa Kaleb le Nunʼ tapa Joshua lobuang amaute khat beek om nawn lo hi.

Gamlak-vakna 32:12

Ahi zongin Kenaz mi Jefunnehʼ tapa Kaleb le Nunʼ tapa Joshua in Topa zui taktak uh ahih manin a mu ding uh hi,’ ci hi.

Thu-hilhkikna 33:1

Hih pen, Pasianʼ mi Moses in ama sih ma-in Israel mite thupha a piakna ahi hi.

Thu-hilhkikna 34:10

Israel mite sungah Moses bangin Topa in maitang kimu-in a theih kamsang dang kuamah om lo hi.

Thu-hilhkikna 34:5

Tua ahih ciangin Topaʼ thugenna bangin Topaʼ nasem Moses pen Moab gamah si a,

1 TIMOTI MASA 6:11

Ahi zongin Pasianʼ mi ahi nangmah in tua thute khempeuh pelh inla, thuman thutak, Pasianʼ deih bangin nuntakna, upna, itna, kipna le lungnemna na neih zawh nadingin hanciam in.

Joshua 10:43

Tua ciangin amah tawh a om Israel khempeuh tawh Gilgal-a a giahphual ah Joshua a ciahkik hi.

Joshua 14:14

Tua ahih ciangin amah in Topa, Israel-teʼ Pasian, lungsim tak tawh zui ahih manin tu ni dongin Hebron pen Kenaz mi Jefunnehʼ tapa Kalebʼ gamh a suak hi.

Joshua 15:17

Tua ciangin Kalebʼ sanggampa Kenazʼ tapa Othniel in la a, amah in a zi dingin a tanu Aksah a pia hi.

Joshua 4:19

Kha masa a ni sawm ni-in Jordan panin mite paikhia uh a, Jerikho nisuahna lam gamgi Gilgal ah giahphual sat uh hi.