Joshua 14:12 - Tedim Bible Revision 2017

¹² Tua ahih ciangin tu-in tua ni-a Topaʼ gen hih mual tung gam kei hong pia in. Anak mite a muanhuai mahmah khuapi sungah a omna thu tua hun lai-in kong gen uh hi. Topa in kei hong ompih dinga, Topaʼ cih mah bangin amaute ka hawl khia zo kha ding hi,” a ci hi.

Tedim Bible

¹² Tua ahih ciangin tu-in tua ni-a Topa’ gen hih mualtung gam kei hong pia in; bang hang hiam cih leh Anak mite a muanhuai mahmah khuapite sungah a omna thu tua ni-in na za hi: Topa in kei hong ompih hi, Topa' cih bangin amaute ka hawlkhia zo kha ding hi,” a ci hi.

Joshua 14:12 Iomraidhean Croise

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulian paʼ kammalte khempeuh Topa na Pasian in za-in, Topa na Pasian in a zak sa thute nial khin kha ding hi. Tua ahih ciangin a om lai mite adingin thu ngen in,’ ci hi,” a ci uh hi.

2 KHANG TANGTHU NIHNATE 14:11

Tua ciangin Topa Pasianʼ tungah Asa kiko a, “Topa aw, a thahat le a zawngkhal a kidona ah a huh dingin nang tawh a kibang kuamah dang om lo hi. Kote hong huh in, Topa koteʼ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, koteʼ Pasian na hi hi; mite kizosak kei in,” a ci hi.

Late 44:3

Bang hang hiam cih leh amaute in namsau tawh leitang ngah lo uh a, amauʼ khut in amauteʼ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi.

Late 60:12

Pasian tawh khauh takin i hih ding hi. Amah pen i galte hong sikcipsak ding pa ahi hi.

Gamlak-vakna 13:28

Ahi zongin tua gam a teeng mite thahat uh a, a khuapite uh kulh tawh ki-umin lian mahmah hi. Tua banah Anakʼ suanlekhakte tua lai ah ka mu uh hi.

Gamlak-vakna 13:33

Tua lai ah Nefilim mite (Nefilim pan a hong piang Anak mite) ka mu uh hi. Kote pen kauphe bang lelin ka kingaihsun uh a, amauʼ muhna ah zong tua bangmah ka hi takpi uh hi,” a ci uh hi.

Gamlak-vakna 21:34

Ahih hangin Topa in Moses kiangah, “Amah kihta kei un; bang hang hiam cih leh amah le a mite khempeuh le a leitang, nomau khut sungah kong pia khin hi. Heshbon ah a teeng Amor kumpipa Sihon na bawl bangun amah na bawl ding uh hi,” a ci hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Thu-hilhkikna 1:28

Koi lai ah pai to ding ihi hiam? I sanggamte in i lungsim hong siasak khin uh a, “A mite ei sangin lian zaw-in sang zaw uh hi. A khuapite lianin van banin ki-um hi. Tua tham loin Anak mite tua munah ka mu uh hi,” hong ci uh hi,’ na ci uh hi.

Thu-hilhkikna 9:1

“Israel-te aw, za un; note sangin tam zaw-in a thahat zaw minamte, lianin van banin kulhpi a kiciang to khuapite, na theih sa uh mi ahi a pum lian a tun sang Anak mite, ‘Anak mite, kua in do zo ding ahi hiam?’ a kicih na zak ngei mite uh a suan khia dingin Jordan a kantan ta ding na hi uh hi.

Thu-hilhkikna 9:3

Tua ahih ciangin, a kaang tum thei mei bangin noteʼ mai ah a pai pa pen Topa na Pasian uh ahihna thu tu ni-in thei un. Amah in noteʼ mai ah amaute susia-in, amaute zo gawp ding hi. Tua ahih ciangin Topa in note tungah hong ciam sa bangin amaute hawl khia-in manlangin nasiasak mang ding uh hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Hebru 11:33

Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasianʼ thuciam a ngah uh hi. Upna hang mah tawh humpinelkai kamte hucip uh a,

Joshua 15:14

Tua lai panin Kaleb in Anakʼ tapa thumte Sheshai, Ahiman le Talmai, Anakʼ suanlekhakte a hawl khia hi.

Thukhente 1:20

Tua ciangin Moses in a gen sa bangin Kaleb tungah Hebron kipia a, tua sung panin amah in Anakʼ tapa thumte a hawl khia hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite adingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.