Joshua 13:6 - Tedim Bible Revision 2017

⁶ Lebanon le Misrefoth-maim kikalah a teeng Sidon mite khempeuh ahi hi. Kei mahmah in Israel miteʼ mai panin amaute ka hawl khia dinga, nang kong thupiak sa bangin Israel mite tungah a luah dingun leitang hawm in.

Tedim Bible

⁶ Lebanon leh Mishrefoth-maim kikal-a teeng Sidon mite khempeuh ahi hi. Kei mahmah in Israel mite mai panin amaute ka hawlkhia ding hi; nang kong thupiaksa bangin Israel mite tungah a luah dingin leitang hawm in.

Joshua 13:6 Iomraidhean Croise

Late 80:8

Nangmah in Egypt panin leenggui khat na la a, minam dangte hawl khia-in, tua leenggui na suan hi.

Gamlak-vakna 33:54

Note in na minam uh tawh kizui-in aisanna tawh leitang na luah ding uh hi. Minam tamte tungah a tam na pia ding uh a, minam tawmte tungah a tawm na pia ding uh hi. Mi khatpeuh ading ai a phatna peuhpeuh ama aʼ hi dinga, na pate uh nam tawh kizui-in na luah ding uh hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 11:12

Topaʼ nasem Moses in a thupiak sa bangin Joshua in tua kumpiteʼ khuapite le a kumpi khempeuh la-in namsau tawh amaute vatin that mangkhin hi.

Joshua 11:8

Topa in Israel-teʼ khut sungah amaute pia a, amaute in vat gawpin a Lian Sidon le Misrefoth-maim ciang dong le nisuahna lamah Mizpeh kuam ciang dong delh uh a, amaute kuamah a om nawn lo dongin a vat gawp uh hi.

Joshua 13:7

Tua ahih ciangin tu-in minam kua le Manasseh minam a langte tungah luah dingin hih leitang hawm in,” a ci hi.

Joshua 23:13

Topa na Pasian un noteʼ mai ah hih minamte hawl khia nawn lo ding hi, ci-in teltakin thei un. Topa na Pasian un note hong piak hih leitang hoih panin na sih khit matengun amaute pen note adingin thangzak le tehlop, na nung uh a hong sat ciangduai, ahih kei leh na mit sung uh a hong sun ling tawh kibang ding uh hi.

Joshua 23:4

En un, Jordan panin nitumna lam a Tuipi Lian dong, a om lai minamte pen ka zawh sa minamte tawh na minamte uh gamh dingin note tungah kong pia khin hi.

Joshua 23:5

Topa na Pasian un noteʼ mai ah amaute leh nawt dinga, noteʼ muhna panin hawl khia ding hi. Topa na Pasian un noteʼ tungah hong ciam bangin amauʼ gam na luah ding uh hi.