Joshua 13:3 - Tedim Bible Revision 2017

³ (Kanaan miteʼ gam ci-a a kiciamteh, leilu lam Ekron gamgi lam, Egypt nisuahna lam a om Shihor pan Filistia gam Gaza, Ashdod, Ashkelon, Gath le Ekron gamte a uk mi nga om hi) le Avvim gam,

Tedim Bible

³ (Kanaan mite gam ci-a a kiciamteh, leilu lam Ekron gamgi lam, Izipt nisuahna lam-a om Shihor gun pan; Fillitia gam Gaza, Ashdod, Ashkelon, Gath, leh Ekron gamte a uk mi nga om hi), leh Avvim gam,

Joshua 13:3 Iomraidhean Croise

Piancilna 10:6

Hamʼ tapate: Kush, Egypt, Put le Kanaan ahi hi.

Piancilna 15:18

Tua ni-in Topa in Abram tawh thuciamna khat bawl a, “Na suanlekhakte tungah hih leitang, Egypt gun panin a lian gunpi ahi Eufratis gun ciang dong,

1 KUMPI MASATE 8:65

Tua hi a, tua hun lai-in Solomon le amah tawh a om Israel mi khempeuh in Topa i Pasianʼ mai ah ni sagih sung, Hamath khua lutna panin Egypt lui dong kikhopna lianpi khat bawlin pawi khat kham uh hi.

1 KHANG TANGTHU MASATE 13:5

Tua ahih ciangin Kiriath-jearim panin Pasianʼ Thuciamna Singkuang a ciahpih dingin David in Egypt gam Shihor lui panin Hamath lutna ciang dong Israel mi khempeuh a khawm hi.

Isaiah 23:3

Egypt gam a piang ante lei-in na zuak uh a, minam khempeuh tawh sum bawlin na kizom uh hi.

Jeremiah 2:18

Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Thu-hilhkikna 2:23

Gaza ciang dong khuaneute ah a teeng Avvim mite ahihleh Kaftor pan a hong pai Kaftor mite in susia-in amauʼ munah teeng uh hi.)

Joshua 13:13

Ahi zongin Israel mite in Geshur mite ahi a, Maakath mite ahi zongin hawl khia lo uh a, tu ni dongin Geshur mite le Maakath mite Israel-te lakah a teeng uh hi.

Thukhente 16:5

Tua ciangin Filistia mi uliante tua nu kiangah hong pai-in, “Amah hong zol inla, ama hatna koi ah om hiam cihna le amah i nuaisiah zawh nadingin amah i hen theih nading, amah i zawh theih nading zia hong thei in. Na theih zawh leh ngun pek tul le za khat ciat nang kong pia ding uh hi,” a ci uh hi.

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite le Baal-hermon Mual panin Hamath lutna ciang dong Lebanon Mual tungah a teeng Hiv mite ahi hi.

1 SAMUEL MASA 5:1

Filistia mite in Pasianʼ Thuciamna Singkuang a mat uh ciangin Ebenezer panin Ashdod ah pua uh hi.

1 SAMUEL MASA 5:10

Tua ahih ciangin amaute in Pasianʼ Thuciamna Singkuang Ekron ah puak uh hi. Ahih hangin Pasianʼ Thuciamna Singkuang Ekron a tun ciangin Ekron mite kiko uh a, “Kote le ka mite uh a that dingin amaute in Israel-teʼ Pasianʼ Thuciamna Singkuang ko kiangah hong paipih uh hi,” a ci uh hi.

1 SAMUEL MASA 5:8

Tua ahih ciangin amaute in mi sawlin Filistia uliante khempeuh khawm uh a, “Israel-teʼ Pasianʼ Thuciamna Singkuang bang cih ding ihi hiam?” a ci uh hi. Amaute in dawngin, “Israel-teʼ Pasianʼ Thuciamna Singkuang Gath ah koihsak ni,” a ci uh hi. Tua ahih ciangin amaute in Israel-teʼ Pasianʼ Thuciamna Singkuang tua lai ah paipih uh hi.

1 SAMUEL MASA 6:4

Tua ciangin amaute in, “Amah i piak ding mawhna hanga biakna bang ahi hiam?” a ci uh hi. Amaute in dawngin, “Filistia uliante a phazah tawh kizui-in kham uilut nga le kham simbeng nga hi ding hi. Bang hang hiam cih leh note khempeuh le na uliante uh tungah a kibang gimna hong tung hi.