Joshua 13:25 - Tedim Bible Revision 2017

²⁵ Amauʼ gam pen Jazer le Gilead khuapite khempeuh le Rabbah nisuahna lamah a om Aroer ciang dong Ammon miteʼ leitang kim khat,

Tedim Bible

²⁵ Amau’ gam in Jazer, leh Gilead khuapite khempeuh, leh Rabbah nisuahna lamah a om Aroer ciang dong Ammon mite leitang kimkhat,

Joshua 13:25 Iomraidhean Croise

2 SAMUEL NIHNA 11:1

Galdo dingin kumpite a kuan khiat hun tua kum khuakhal sungin David in Joab le amah tawh a om a nasemte le Israel-te khempeuh sawl a, amaute in Ammon mite su gawpin Rabbah khua umcih uh hi. Ahih hangin David Jerusalem ah om hi.

2 SAMUEL NIHNA 12:26

Tu-in Joab in Ammon khuapi Rabbah simin a khuapi tuikhuk la hi.

2 SAMUEL NIHNA 24:5

Amaute in Jordan kantanin kuam laizang a om khuapi Aroer panin kipanin Gad lam manawh uh a, Jazer ah paisuak uh hi.

1 KHANG TANGTHU MASATE 26:31

Hebron mite sung panin Jerijah a ukpi ahi hi. (Davidʼ uk a kum sawm lina kumin kikantelna bawl uh a, Gilead gam sung Jazer ah amaute sung panin siamna lian a nei mihing kimu hi.)

1 KHANG TANGTHU MASATE 6:81

Heshbon a lo nona gamte tawh le Jazer a lo nona gamte tawh ahi hi.

Isaiah 16:8

Bang hang hiam cih leh a hiang zaai-in tuipi kantan a, Jazer khua banin sehnel gam dongah a zaam ama hiangte, minam dangteʼ tote in sattan ahih manin Heshbon lo laite le Sibmah leengguite vul ta uh hi.

Isaiah 17:2

Ama khuapite kinusiacip paisuak ding hi. Tuuhonteʼ omna mun suak dinga, tua tuuhonte lum hithiatin bangmah in lausak lo ding hi.

Jeremiah 48:32

Sibmah khua aw, Jazer khua ading sangin nang adingin ka nak kah zaw hi. Nang pen leenggah gui zaam bangin na hiangte in tuipi kantan a, Jazer khua dongah na zaam suak hi. Na khuakhal ante le na leenggahte hong kisuksiatsak ta hi.

Ezekiel 21:20

Tua lamka khat in Ammon miteʼ khuapi Rabbah ah kumpipa a tun theih nadingin lak dinga, a khat pen in Judah gam sunga om Jerusalem khuapi sung teek a tun nadingin lak ding hi.

Amos 1:14

Tua ahih ciangin Rabbah khuapi kulh ka hal tum dinga, a mun muanhuai teng khempeuh kaang tum ding hi. Galdo a kikona aw ging dinga, tua kidona awging khuapi huihnung bang ding hi.

Gamlak-vakna 21:32

Moses in Jazer khua thu a kansim dingin mi a sawl hi. Amaute in a khuaneute la-in tua lai-a om Amor mite suan khia uh hi.

Gamlak-vakna 32:35

Atroth-shofan, Jazer, Jogbehah,

Thu-hilhkikna 2:19

Ammon miteʼ leitang na neih dingun khat zong hong pia lo ding ka hih manin, Ammon miteʼ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lotʼ suanlekhakte tungah ka pia khin hi,’ hong ci hi.

Thu-hilhkikna 3:11

(Bang hang hiam cih leh Bashan kumpipa Og bek Refaim gam sungah a om lai ahi hi. Ama lupna a han pen suang han hi a, Ammon miteʼ khuapi Rabbah ah tua han om lai hi lo ahi hiam? Tua han a sauna pi sawm le li dektak hi a, a zaina pi guk ahi hi.)

Joshua 13:11

Gilead le Geshur mite le Maakath miteʼ gam le Hermon Mual khempeuh le Salekah dong Bashan gam khempeuh;

Joshua 13:24

Tua ciangin Moses in Gad minamte tungah zong amauʼ beh tawh kizui-in gamh pia hi.

Joshua 13:26

le Heshbon panin Ramath-mizpeh le Betonim ciang le Mahanaim panin Debir gam ciang dong,

Joshua 21:39

Heshbon a lo nona gamte tawh le Jazer a lo nona gamte tawh, a vekpi-in khuapi li kipia hi.

Thukhente 5:17

Jordan gal khat ah Gilead om hi. Dan minamte bang hangin teembaw tawh om ahi hiam? Asher minamte, tuipi gei ah tu lai a, leilak a tunna gei ah a teeng uh hi.