Joshua 12:7 - Tedim Bible Revision 2017

^7-8 Hihte pen, Joshua le Israel mite in a zawh Jordan nitumna lam pang, Lebanon kuam sung Baalgad panin Seir lamah a kikhung to Halak Mual kikal a om kumpite ahi hi. (Joshua in mual tung gam, lei niamna gam, Arabah gam, mual pang suk, sehnel gam le Negeb gam sunga om Hit mite, Amor mite, Kanaan mite, Perez mite, Hiv mite le Jebus miteʼ leitangte Israel minamteʼ tungah amauʼ ngah ding tawh kizui-in a neih dingun a pia hi.)

Tedim Bible

^7-8 Hihte in, Joshua leh Israel mite in a zawh Jordan nitumna lam pang, Lebanon kuam sung Baalgad panin Seir lamah a kikhung to Jakah Mual kikala om tua gam kumpite ahi hi (Joshua in mualtung gam, lei niamna gam, Arabah gam, mual pang suk, gamlak, leh Negeb gam sunga om Hit mite, Amor mite, Kanaan mite, Perez mite, Hiv mite, leh Jebus mite, leitangte Israel minamte tungah amau' ngah ding tawh kizui-in a neih dingun pia hi);

Joshua 12:7 Iomraidhean Croise

Piancilna 14:6

le amauʼ gam Seir Mual tunga Hori mite hong zo uh hi.

Piancilna 32:3

Jakob in Edom gam, Seir leitang ah a om a sanggampa Esau kiangah kamtaite ma sawl a,

Piancilna 36:20

Tua gam a teeng Hori mi Seirʼ tapate: Lotan, Shobal, Zibeon, Anah,

Piancilna 36:30

Dishon, Ezer le Dishan ahi hi. Hihte pen Seir gam sungah amauʼ beh ciatin Hori miteʼ sung pan beh lutang ahi uh hi.

Piancilna 36:8

Tua ahih ciangin Seir mual tung gamah Esau teeng hi. Esauʼ min dang khat pen Edom ahi hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Thu-hilhkikna 2:1

“Tua ciangin Topa in kei tungah hong gen bangin eite kihei-in San Tuipi lam manawhin sehnel gamah i pai a, ni tampi sung Seir Mual tung gamah i pai kawikawi hi.

Thu-hilhkikna 2:4

Miteʼ tungah hih bangin thu pia in: Seir gamah a teeng Esauʼ suanlekhak, na behte uh gam sung a nawk ding na hi uh hi. Amaute in note hong kihta ding uh hi. Ahi zongin note kidawm un.

Joshua 11:17

Seir lamah a kikhung to Halak Mual panin Hermon Mual nuai Lebanon kuama om Baalgad ciang dong a la hi. Amah in amauʼ kumpite khempeuh la-in amaute vat gawpin a that hi.

Joshua 11:23

Topa in Moses tungah a gen sa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 3:17

Israel-te khempeuh lei keu tungah a gal kah sung, minam bup in Jordan a khen khit mateng, Topaʼ Thuciamna Singkuang a pua siampite Jordan gun laizang lei keu tungah ding uh hi.

Joshua 9:1

Jordan gal khat a om mual tung gam le lei niamna gam Lebanon lam Tuipi Lian dung khempeuh ah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin