Joshua 12:6 - Tedim Bible Revision 2017

⁶ Topaʼ nasem Moses le Israel mite in amau tegel a zo uh hi. Tua ciangin Topaʼ nasem Moses in Reuben mite, Gad mite le Manasseh minam a langte tungah a neih dingun amauʼ leitang a pia hi.

Tedim Bible

⁶ Topa’ nasem Moses leh Israel mite in amaute zo uh hi; tua ciangin Topa’ nasem Moses in Reuben mite leh Gad mite leh Manasseh minam a langte tungah a neih dingun amau’ leitang a pia hi.

Joshua 12:6 Iomraidhean Croise

1 KUMPI MASATE 4:19

Uriʼ tapa Gebal: Amor miteʼ kumpi Sihon le Bashan kumpi Og gam ahi Gilead gam sungah ahi hi. Tua ciangin hih sawm le nihte banah Judah gam sung khempeuh a uk ulian khat om lai hi.

Gamlak-vakna 32:29

Moses in amaute tungah, “Gad minamte le Reuben minamte, Topaʼ mai ah galdo dingin hiam a tawi thei khempeuh in note tawh Jordan kantanin tua gam hong zawh pih leh, Gilead gam a neih dingun amaute tungah na pia ding uh hi.

Gamlak-vakna 32:32

Hiam tawi-in Topaʼ mai ah Kanaan gam sungah ka pai ding uh a, koteʼ luah ahi ka neihsa uh Jordan gal khat ah kote aʼ mahin na kip ding hi,” a ci uh hi.

Gamlak-vakna 32:33

Tua ahih ciangin Moses in Gad minamte, Reuben minamte le Josefʼ tapa Manasseh minam a langte tungah, Amor kumpi Sihonʼ gam le Bashan kumpi Ogʼ gam, a leitang le a khuapite a gam sung tawh, a gam sunga leitang tunga om khuapi khempeuh a pia hi.

Joshua 14:3

Bang hang hiam cih leh Moses in Jordan gal khat ah minam nih le a langte tungah gamh pia khinzo hi. Ahih hangin amaute lakah Levi mite tungah bangmah pia lo hi.

Joshua 18:7

Levi mite in note lakah tanh nei lo hi. Bang hang hiam cih leh Topaʼ siampi nasepna pen amauʼ luah ahi hi. Gad, Reuben le Manasseh minam a langte in Topaʼ nasem Moses in amaute tungah a piak ahi Jordan Nisuahna lam gal khat ah amauʼ gamh ngah khinzo uh hi,” a ci hi.

Joshua 22:4

Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.