Joshua 12:2 - Tedim Bible Revision 2017

^2-3 Heshbon ah a teeng Amor kumpi, Arnon kuam gei-a om Aroer pan le Gilead kuam laizang panin phel lang ahi Ammon miteʼ gamgi Jabbok gun ciang dong le Arabah panin nisuahna lamah Khinneroth Tuipi le Beth-jeshimoth lamah Pisgah mual pang bul leitaw lam a om Ci Tuipi ahi Arabah tuipi ciang dong a uk Sihon;

Tedim Bible

^2-3 Heshbon-ah a teeng Amor kumpi, Arnon kuam gei-a a om Aroer pan, leh Gilead gam laizang panin phel lang ahi Ammon mite gamgi Jabbok gun ciang dong, leh Arabah panin, nisuahna lamah Khinneroth Tuipi, leh Bethjeshimoth lamah Pisgah mual pang bul leitaw lama om Ci Tuipi ahi Arabah tuipi ciang dong a uk Sihon;

Joshua 12:2 Iomraidhean Croise

Piancilna 32:22

Tua zan mahin amah tho-in a zi nihte, a nasem numei nihte le a ta sawm le khatte la-in, Jabbok ngahmun a kantan hi.

1 KHANG TANGTHU MASATE 5:8

le Joel mite beh sung panin Shemaʼ tapa Azaz, a tapa Bela ahi hi. Aroer le tua panin Nebo le Baal-meon ciang dongah a teeng uh hi.

Nehemiah 9:22

Nangmah in amaute tungah kumpi gamte le mite na pia a, tuate pen gal sung van ngah dingin na piak ahi hi. Tua ahih ciangin amaute in Heshbon kumpipa Sihonʼ gam le Bashan kumpipa Ogʼ gam luah uh hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Jeremiah 48:19

Aroer khua-a teeng mite aw, lam gei ah dingin na en un! A hong galtai numei le pasalte kiangah, ‘Bang thu piang ahi hiam?’ ci-in dong un.

Thukhente 11:13

Ammon miteʼ kumpipa in Jefthahʼ kamtaite dawng a, “Egypt panin Israel-te hong pai lai-in Arnon panin Jabbok le Jordan ciang ka gam hong laksak hang ahi hi. Tua ahih ciangin tu-in thu damin hong piakik in,” a ci hi.

Thukhente 11:22

Amaute in Arnon gun panin Jabbok lui ciang le sehnel gam panin Jordan gun ciang, Amor miteʼ gam khempeuh a luah uh hi.