Joshua 12:1 - Tedim Bible Revision 2017

¹ Tu-in nisuahna lam Jordan gal khat, Arnon kuam panin Arabah khempeuh, Hermon Mual ciang dong Israel mite in a leitang uh laksakin a zawh kumpi nihte:

Tedim Bible

¹ Tu-in nisuahna lam Jordan galkhat, Arnon kuam panin nisuahna lam Arabah khempeuh tawh Hermon Mual ciang dong Israel mite in a leitang uh laksakin a zawh mite’ gam kumpite in:

Joshua 12:1 Iomraidhean Croise

1 KUMPI MASATE 4:19

Uriʼ tapa Gebal: Amor miteʼ kumpi Sihon le Bashan kumpi Og gam ahi Gilead gam sungah ahi hi. Tua ciangin hih sawm le nihte banah Judah gam sung khempeuh a uk ulian khat om lai hi.

Late 133:3

Tua pen Zion mualte tungah a kia, Hermon mual pan a hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Late 136:21

Amauteʼ leitang pen gamhluah dingin a pia khia pa tungah, bang hang hiam cih leh ama itna kip tawntung hi.

Late 89:12

Saklam le khanglamte nangma bawl sa hi a, Tabor mual le Hermon mual in lungdamna tawh na min hong phat uh hi.

Isaiah 16:2

A bu a kipaih khiatsak ciangin a cih nading thei loin a leng kawikawi vasate bangin Arnon gun tui ngahmun ah Moab mite om uh hi.

Gamlak-vakna 21:13

Tua lai panin ding khia uh a, Amor miteʼ gamgi panin a hong kikhung suk gamlak a om Arnon gun gal khat ah giahphual sat uh hi; bang hang hiam cih leh Arnon gun pen Moab le Amor miteʼ kikalah Moab-teʼ gamgi ahi hi.

Gamlak-vakna 21:21

Tua ciangin Israel-te in Amor kumpipa Sihon kiangah kamtaite sawl uh a,

Gamlak-vakna 21:24

Israel-te in namsau tawh amah le a mite tampi thatin, Arnon gun panin Jabbok lui, Ammon mite kiang dong bek a gam laksak hi. Bang hang hiam cih leh Ammon miteʼ gamgi nawk suak zo lo uh hi.

Gamlak-vakna 32:19

Jordan gal khat le tua bansiah ah amaute tawh ka luah khawm kei ding uh hi. Bang hang hiam cih leh Jordan hih lam gal nisuahna lam koteʼ luah hong suak hi,” a ci uh hi.

Gamlak-vakna 32:32

Hiam tawi-in Topaʼ mai ah Kanaan gam sungah ka pai ding uh a, koteʼ luah ahi ka neihsa uh Jordan gal khat ah kote aʼ mahin na kip ding hi,” a ci uh hi.

Gamlak-vakna 32:33

Tua ahih ciangin Moses in Gad minamte, Reuben minamte le Josefʼ tapa Manasseh minam a langte tungah, Amor kumpi Sihonʼ gam le Bashan kumpi Ogʼ gam, a leitang le a khuapite a gam sung tawh, a gam sunga leitang tunga om khuapi khempeuh a pia hi.

Thu-hilhkikna 2:24

“Moab gam sung i khen ciangin Topa in, ‘Ding un, na khualzin uh kipan unla, Arnon kuam kantan un. En un, Heshbon kumpipa, Amor mi Sihon le ama leitang noteʼ khut sungah kong pia zo hi. Amah suankhiat ding kipan unla, gal sungah amah tawh kido un.

Thu-hilhkikna 2:32

Tua ciangin Sihon le a mite khempeuh eite a do dingin Jahaz ah hong pai uh hi.

Thu-hilhkikna 3:1

“Tua ciangin eite kihei-in Bashan lamah i pai to a, Bashan kumpipa Og le ama mite khempeuh Edrei ah eite a do dingin hong kuan khia hi.

Thu-hilhkikna 4:44

Moses in Israel mite tungah thu pia hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin noteʼ neih leitang ah ciahkikin, Topaʼ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 11:17

Seir lamah a kikhung to Halak Mual panin Hermon Mual nuai Lebanon kuama om Baalgad ciang dong a la hi. Amah in amauʼ kumpite khempeuh la-in amaute vat gawpin a that hi.

Joshua 11:3

nisuahna le nitumna lam a om Kanaan mite, Amor mite, Hit mite, Perez mite le mual tung gam a om Jebus mite le Mizpah gam Hermon nuai-a Hiv mite tungah thu a puak hi.

Joshua 13:8

Reuben mite le Gad mite in Manasseh minam alang dang khatte tawh Topaʼ nasem Moses in amaute a piak sa ahih manin nisuahna lam Jordan gal khat ah gamh ngah khin uh hi.

Joshua 22:4

Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.

Thukhente 11:18

Tua ciangin sehnel gam tawnin amaute khualzin uh a, Edom gam le Moab gam kimkotin pai-in Moab gam nisuahna lam pangah tung uh a, Arnon gun gal khat ah phual sat uh hi. Ahih hangin Moab gam sungah amaute lut lo uh hi. Bang hang hiam cih leh Arnon gun pen Moab gamgi ahi hi.