Joshua 11:6 - Tedim Bible Revision 2017

⁶ Tua ciangin Topa in Joshua kiangah, “Zing ciang tu bang hunin amaute khempeuh a kithat sa-in Israel mite tungah pia ding ka hih manin amaute kihta kei un. A sakolte uh a zagui na sat tat ding uh a, a leengte uh mei tawh na hal ding uh hi,” a ci hi.

Tedim Bible

⁶ Tua ciangin Topa in Joshua kiangah, “Zing ciang tu bang hunin amaute khempeuh a kithatsa-in Israel mite tungah pia ding ka hih manin amaute kihta kei in; a sakolte uh a zagui na sattat ding a, a leengte uh mei tawh na hal ding hi,” a ci hi.

Joshua 11:6 Iomraidhean Croise

2 SAMUEL NIHNA 8:4

David in ama tung panin sakol galkap tul khat le za sagih le khe galkap tul sawm nih la hi. David in leengkai sakol khempeuh a zagui at sat a, ahih hangin leeng za khat adingin a kicing a siit hi.

2 KUMPI NIHNATE 6:16

Amah in, “Kihta kei in; bang hang hiam cih leh amaute tawh a omte sangin eite tawh a omte tam zaw hi,” a ci hi.

2 KHANG TANGTHU NIHNATE 20:16

Zing ciangin amaute a do-in pai suk un. Ziz kah tohna lampi tawnin amaute hong kuan to ding uh a, Jeruel gamlak nisuahna lam kuam mongah amaute na mu ding uh hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a hal tum hi.

Paunak 20:7

Mi khat thumanin a hoihin a nuntak leh ama suanlekhakte mi hampha ahi uh hi.

Isaiah 30:16

“Hi lo! Sakol tung tuangin manlang takin i tai ding hi,” ci na hih uh ciangin note na tai khia ding uh hi. “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!

Ezekiel 39:9

Israel gam khuapite ah a teeng mite kuan khia-in, tua a kinusia galhiamte ansing dingin khawm ding uh hi. Tua a kinusia lumte, thal le thaltangte, molhtumte le teipite, mei-in cih ding uh a, kum sagih sung kikhom ding hi.

Hosea 14:3

Assiria mite in hong hon khia zo ngei lo dinga, sakol galkapte in zong hong hu zo ngei lo ding uh hi. Koteʼ bawl sa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Nahum 2:13

Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note adingin thangzak hi ding ahih manin amauʼ pasian-te zong na bia kei ding uh hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in. Amaute khat beek in nang hong nang zo lo ding uh hi,” a ci hi.

Joshua 11:5

Hih kumpite khempeuh in amauʼ galkapte gawmin Israel mite tawh a kido dingin hong pai-in Merom lui ah giahphual a sat khawm uh hi.

Joshua 11:7

Tua ahih ciangin Joshua zong a galkapte khempeuh tawh thakhat thu-in Merom lui gei amaute kiangah pai-in va sim uh hi.

Joshua 11:9

Topaʼ sawl bangin Joshua in amaute hih a, amauʼ sakolte uh a zagui sat tat sakin mei tawh a leengte uh a halsak hi.

Joshua 3:5

Tua ciangin Joshua in mite kiangah, “Nomau mah kisiangsak tawm un; bang hang hiam cih leh zing ciangin noteʼ lakah Topa in nalamdangte hong bawl ding hi,” a ci hi.

Thukhente 20:28

Aaronʼ tapa Eleazarʼ tapa Finehas in tua lai ah tua hunin na sem hi), “Ka sanggam uh Benjamin mite a sim dingin kuankik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Pai to un; bang hang hiam cih leh zing ciangin amaute na khut sung uh ah kong pia ding hi,” a ci hi.

Thukhente 7:9

Tua zan mahin Topa in ama kiangah, “Tho in, giahphual simin pai in; bang hang hiam cih leh na khut sungah kong pia zo hi.

1 SAMUEL MASA 11:9

Amaute in a hong pai kamtaite kiangah, “Jabesh-gilead mite tungah hih bangin gen un: ‘Zing ciang, sun hun ma-in note hong kihon khia ding hi,’ ci un,” a ci hi. Kamtaite hong tungin Jabesh mite kiangah a gen uh ciangin amaute lungdam uh hi.