Joshua 11:3 - Tedim Bible Revision 2017

³ nisuahna le nitumna lam a om Kanaan mite, Amor mite, Hit mite, Perez mite le mual tung gam a om Jebus mite le Mizpah gam Hermon nuai-a Hiv mite tungah thu a puak hi.

Tedim Bible

³ nisuahna leh nitumna lam-a om Kanaan mite, Amor mite, Hit mite, Perez mite, leh mualtung gam-a om Jebus mite, leh Mispah gam Hermon nuai-a Hiv mite tungah thu puak hi.

Joshua 11:3 Iomraidhean Croise

Piancilna 31:49

a khuam pen Mizpah, ci hi. Bang hang hiam cih leh Laban in, “Eite khatlekhat i tuam om ciangin Topa in nang le keiʼ kikalah hong encik tahen.

2 SAMUEL NIHNA 24:16

Vantungmi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna na a sem vantungmi kiangah, “Pha zo hi; tu-in khawl ta in,” a ci hi. Topaʼ vantungmi pen Jebus mi Araunahʼ ancilna gei ah a om hi.

2 SAMUEL NIHNA 24:7

Tua ciangin Taia mun muanhuai le Hiv mite le Kanaan miteʼ khuapite khempeuh tung uh hi. Tua panin Judah-teʼ Negeb lam Beer-sheba ah pai uh hi.

1 KUMPI MASATE 15:22

Tua ciangin kumpi Asa in Judah gam khempeuh ah thu genzakna khat bawl a, kuamah peng loin a milipin Baasha in khua lamna-a a zat Ramah suangte le a singte a pua khia dingin a sawl hi. Tua ciangin kumpi Asa in tuate tawh Benjamin miteʼ khua Geba le Mizpah khua a lam hi.

1 KUMPI MASATE 9:20

Israel mi ahi lo Amor mite, Hit mite, Perez mite, Hiv mite le Jebus mite sung panin a om lai mi khempeuh,

Late 133:3

Tua pen Zion mualte tungah a kia, Hermon mual pan a hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Late 89:12

Saklam le khanglamte nangma bawl sa hi a, Tabor mual le Hermon mual in lungdamna tawh na min hong phat uh hi.

Solomon la 4:8

Ka lawm ngaih aw, Lebanon Mual ah hong pai inla, Lebanon Mual panin kei hong zui in. Humpi-nelkaite le kamkeite a teenna, Amana Mual dawn panin hong tai suk inla, Senir Mual le Hermon Mual panin hong pai suk in.

Jeremiah 40:10

Kei ka hih leh Mizpah khua mahah ka om dinga, ei kiangah hong pai ding Babylon mite kiangah noteʼ tangin ka ding ding hi. No na hih uh leh leenggahzu, khuakhal ante le sathaute khawm unla, na beel sung uh ah koih un. Na lak sa uh khua ciat mahah na teng un,” a ci hi.

Jeremiah 40:6

Tua ciangin kei zong Ahikamʼ tapa Gedaliahʼ omna Mizpah khua ah ka pai a, gam sungah a om lai ka mipihte tawh ka om khawm hi.

Jeremiah 41:14

Tua ahih manin Mizpah khua panin Ishmael in manin a pai khiatpihte khempeuh hong kilehheikikin Kareahʼ tapa Johanan a beel uh hi.

Jeremiah 41:3

Ishmael in Mizpah khua ah Gedaliah tawh a om khawm Jew mi khempeuh le tua laitakin a om Babylon galkapte zong a that hi.

Gamlak-vakna 13:29

Amalek mite Negeb gamah teeng uh hi. Hit mite, Jebus mite le Amor mite, mual tung gamah teeng uh hi. Kanaan mite tuipi gei le Jordan dungah teeng uh hi,” ci-in a gen uh hi.

Thu-hilhkikna 7:1

“Topa na Pasian un luah dinga na tumna uh leitang ah hong paipihin, noteʼ mai ah Hit mite, Girgash mite, Amor mite, Kanaan mite, Perez mite, Hiv mite le Jebus mite, note sangin lian zaw-in a thahat zaw minam sagihte noteʼ mai panin siang khiasakin,

Joshua 11:17

Seir lamah a kikhung to Halak Mual panin Hermon Mual nuai Lebanon kuama om Baalgad ciang dong a la hi. Amah in amauʼ kumpite khempeuh la-in amaute vat gawpin a that hi.

Joshua 11:8

Topa in Israel-teʼ khut sungah amaute pia a, amaute in vat gawpin a Lian Sidon le Misrefoth-maim ciang dong le nisuahna lamah Mizpeh kuam ciang dong delh uh a, amaute kuamah a om nawn lo dongin a vat gawp uh hi.

Joshua 13:11

Gilead le Geshur mite le Maakath miteʼ gam le Hermon Mual khempeuh le Salekah dong Bashan gam khempeuh;

Joshua 13:5

le Gebal miteʼ leitang le Lebanon gam khempeuh, nisuahna lamah, Hermon Mual nuai-a Baalgad panin Hamath tumna ciang,

Joshua 15:38

Dilean, Mizpeh, Joktheel,

Joshua 15:63

Ahih hangin Judah mite in Jerusalem-a a teeng Jebus mite hawl khia zo lo uh hi. Tua ahih ciangin tu ni dongin Jebus mite pen Judah mite tawh Jerusalem ah a teeng khawm uh hi.

Joshua 18:26

Mizpeh, Khefirah, Mozah,

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin noteʼ mai panin Kanaan mite, Hit mite, Hiv mite, Perez mite, Girgash mite, Amor mite le Jebus mite hawl khia ding hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Beer-sheba dong hong kuan khia uh a, Topaʼ kiang Mizpah ah mihing khat bangin mihon hong kikhawm lian uh hi.

Thukhente 21:5

Tua ciangin Israel mite in, “Topa ading kikhopna ah Israel minamte khempeuh sung panin kua teng hong pai lo ahi hiam?” a ci uh hi. Bang hang hiam cih leh amaute in Topa kiangah a pai lo mite tawh kisai-in Mizpah ah kiciamna lianpi khat bawl uh a, “Kithat ding hi,” a ci uh hi.

Thukhente 21:8

Tua ciangin amaute in, “Topa kiang Mizpah ah Israel minamte hong pai lo a om hiam?” a ci uh hi. En in, Jabesh-gilead panin tua giahphual kikhopna ah kuamah pai lo hi.

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite le Baal-hermon Mual panin Hamath lutna ciang dong Lebanon Mual tungah a teeng Hiv mite ahi hi.

Thukhente 3:5

Tua ahih ciangin Kanaan mite, Hit mite, Amor mite, Perez mite, Hiv mite le Jebus miteʼ lakah Israel mite teeng uh hi.

1 SAMUEL MASA 10:17

Tu-in Samuel in Mizpah a Topaʼ kiangah mite khawm hi.