Joshua 11:22 - Tedim Bible Revision 2017

²² Israel miteʼ leitang ah Anak mite khat zong om nawn lo a, Gaza, Gath le Ashdod sung bekah pawl khat om lai hi.

Tedim Bible

²² Israel mite’ leitangah Anak mite khat zong om nawn lo hi; Gaza, Gath, leh Ashdod sung bekah pawlkhat om lai hi.

Joshua 11:22 Iomraidhean Croise

1 KUMPI MASATE 2:39

Ahih hangin kum thum a cin ciangin Gath kumpipa Maakahʼ tapa Akhish kiangah Shimeiʼ silate nih va tai uh hi. Shimeiʼ kiangah, “En in, na silate Gath ah om hi,” ci-in a kigen ciangin

1 KHANG TANGTHU MASATE 18:1

Hih thute khit ciangin David in Filistia mite zo-in nuaisiah a, Filistia miteʼ khut sung panin Gath le a khuaneute a la hi.

1 KHANG TANGTHU MASATE 8:13

le Beriah le Shema (Gath a teengte a taisak Aijalon a teeng beh lutangte),

2 KHANG TANGTHU NIHNATE 26:6

Amah kuan khia-in Filistia mite va sim a, Gath khuapi kulh, Jabneh khuapi kulh le Ashdod khuapi kulh sucim hi. Tua ciangin amah in Ashdod gam sung le Filistia-teʼ gam sung mun dangte ah khuapite a lam hi.

Isaiah 20:1

Assiria kumpipa Sargon in a sawl galkap maang lianpen pa, Filistia khuapi Ashdod ah pai-in, tua khua va sim hi.

Sawltak 8:40

Tua ciangin Filip pen Azotas khua ah a om ahih lamtak amah kiphawk a, tua khua a kipanin Sisaria khua a tun dongin khua khempeuh ah Lungdamna Thu a hilh hi.

Thu-hilhkikna 2:23

Gaza ciang dong khuaneute ah a teeng Avvim mite ahihleh Kaftor pan a hong pai Kaftor mite in susia-in amauʼ munah teeng uh hi.)

Joshua 10:41

Joshua in amaute Kadesh-barnea panin Gaza ciang dong le Goshen gam khempeuh Gibeon ciang dong a zo gawp hi.

Joshua 15:14

Tua lai panin Kaleb in Anakʼ tapa thumte Sheshai, Ahiman le Talmai, Anakʼ suanlekhakte a hawl khia hi.

Joshua 15:46

Ekron panin tuipi dong, Ashdod lam pang a omte khempeuh a khuaneute tawh ahi hi.

Joshua 15:47

Ashdod, a khuapite le a khuaneute tawh ahi hi. Gaza, a khuapite le a khuaneute tawh ahi hi. Egypt lui le tuipi lian a gei ciang dong tawh ahi hi.

Thukhente 1:18

Judah mite in zong Gaza le a gam, Ashkelon le a gam le Ekron le a gamte a la uh hi.

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite le Baal-hermon Mual panin Hamath lutna ciang dong Lebanon Mual tungah a teeng Hiv mite ahi hi.

1 SAMUEL MASA 17:4

Filistia-teʼ giahphual panin Gath khuami Goliath a kici a makai, a tun pi kua val a sang mi khat hong paikhia hi.

1 SAMUEL MASA 5:1

Filistia mite in Pasianʼ Thuciamna Singkuang a mat uh ciangin Ebenezer panin Ashdod ah pua uh hi.