Joshua 11:20 - Tedim Bible Revision 2017

²⁰ Bang hang hiam cih leh Topa in Moses a thupiakna bangin amaute a kisuksiat mang nading le hehpihna ngah loin a kibeisak theih nadingin Israel-te a do nadingin a lungsim uh a khauhsak pa pen Topa ahi hi.

Tedim Bible

²⁰ Bang hang hiam cih leh Topa in Moses a thupiakna bangin amaute a kisuksiat mang nading leh hehpihna ngah loin a kibeisak theih nadingin Israelte a do nadingin a lungsim uh khauhsak ding Topa’ bawl ahi hi.

Joshua 11:20 Iomraidhean Croise

2 SAMUEL NIHNA 17:14

Tua ciangin Absalom le Israel mite khempeuh in, “Arkhi mi Hushaiʼ thugen pen Ahithofelʼ thugen sangin hoih zaw hi,” a ci uh hi. Bang hang hiam cih leh Topa in Absalomʼ tungah siatna a tunsak theih nadingin Ahithofelʼ thugen hoih in a lelh ding Topa in a seh sa ahi hi.

1 KUMPI MASATE 12:15

Tua bangin kumpipa in miteʼ deihna zui lo hi. Bang hang hiam cih leh Topa in Shiloh khuami Ahijahʼ tungtawnin Nebatʼ tapa Jeroboamʼ tungah a gen sa thu a tunsak nadingin Topa in a piansak thu kiheina ahi hi.

2 KHANG TANGTHU NIHNATE 22:7

Ahih hangin Joramʼ kiangah a hawhna tawh Ahaziahʼ pukna a tun nading Pasianʼ seh sa ahi hi. Bang hang hiam cih leh tua lai ah amah a hawh sungin Ahab innkuan a susia dingin Topa in sathau a nilh sa, Nimshiʼ tapa Jehu tawh a kimu dingin Joram tawh paikhia hi.

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsang pa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khensatna ka thei hi,” a ci hi.

Paikhiatna 10:1

Tua ciangin Topa in Moses tungah, “Faroʼ kiangah pai in. Bang hang hiam cih leh amauteʼ lakah hih keima limte ka lah theih nading le keimah in Egypt mite ka mawlpihna le amauteʼ lakah bang limte bawl khin cihna thu na tate le na tuteʼ zakna ah na gen theih nading le, Topa ka hihna na theih nadingin ama lungsim le a nasemteʼ lungsim ka khauhsak hi,” a ci hi.

Paikhiatna 11:10

Moses le Aaron in hih nalamdangte khempeuh Faroʼ mai ah a bawl uh hi. Topa in Faroʼ lungsim khauhsak a, amah in Israel mite a leitang panin pai khiasak lo hi.

Paikhiatna 14:17

Amauʼ nungah Egypt mite hong pai-in, keimah in Faro le a mihonpite khempeuh, a leengte le a sakol tung tuangte ka zawhna hangin minthanna ka ngah nadingin keimah in Egypt miteʼ lungsim ka khauhsak ding hi.

Paikhiatna 14:4

Keimah in Faroʼ lungsim khauhsakin, amah in Israel-te hong delh dinga, Faro le a mihonpite khempeuh ka zawhna hangin minthanna ka ngah ding hi. Kei, Topa ka hihna thu Egypt mite in thei ding uh hi,” a ci hi. Amaute zong tua bangmahin gamta uh hi.

Paikhiatna 14:8

Topa in Egypt kumpipa Faroʼ lungsim khauhsak a, Israel mite kithamuanna tawh a paikhiat laitakun a delh hi.

Paikhiatna 4:21

Topa in Moses kiangah, “Egypt ah na ciahkik ciangin, nangma hih theih dingin vangliatna kong piak sa nalamdangte khempeuh Faroʼ mai ah na hih ding thei in. Ahih hangin keimah in ama lungsim ka khauhsak dinga, amah in mite paisak lo ding hi.

Paikhiatna 9:12

Ahih hangin Topa in Faroʼ lungsim khauhsak a, Topa in Mosesʼ tunga a gen sa bangin amah in amauteʼ thu ngai lo hi.

Paikhiatna 9:16

Ahi zongin leitung khempeuh ah keima min a kipulak theih nadingin note tungah ka vangliatna lah ding deihna-in kong nungtasak lai hi.

Isaiah 14:24

Vanglian Topa kiciam khin a, “Ka geel sa bangin piang dinga, ka ngimna sa bangin kip ding hi.

Isaiah 34:2

Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a si mang dingin amaute koihin, thah dingin a pia khinta hi.

ROM (Romans) 9:18

Tua ahih manin Pasian in a hehpih nopte hehpih a, a paupeensak nopte paupeengsak hi.

Thu-hilhkikna 2:30

“Ahih hangin Heshbon kumpipa Sihon in eite hong paisak lo hi; bang hang hiam cih leh tu hun a mah bangin na khut sung uh ah amah hong piak theih nadingin Topa na Pasian un a lungsim khauhsakin, amah paupeengsak hi.

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note adingin thangzak hi ding ahih manin amauʼ pasian-te zong na bia kei ding uh hi.

Thukhente 14:4

A nu le a pa in hih thu pen Topaʼ kiang pan ahih lam thei lo uh hi; bang hang hiam cih leh Topa in Filistia mite tungah paulap ding a zong ahi hi. Tua hun laitakin Filistia mite in Israel-te uk uh hi.

1 SAMUEL MASA 2:25

Mi khat midang khat tungah a khialh le ama adingin thukhente in palai sem ding hi. Ahih hangin mi khat Topaʼ tungah khial leh ama adingin kua in va thumsak ding ahi hiam?” a ci hi. Ahih hangin amaute in a paʼ thu ngai lo uh hi. Bang hang hiam cih leh tua pen amaute a thah nadingin Topaʼ deihna ahi hi.