Joshua 11:16 - Tedim Bible Revision 2017

¹⁶ Tua ahih ciangin Joshua in gam khempeuh, mual tung gam le Negeb gam le Goshen gam khempeuh le lei niamna gam le Arabah le Israel-teʼ mual tung gam le a lei niamna gamte,

Tedim Bible

¹⁶ Tua ahih ciangin Joshua in gam khempeuh, mualtung gam leh Negeb gam leh Goshen gam khempeuh leh lei niamna gam leh Arabah leh Israelte mualtung gam leh a lei niamna gamte,

Joshua 11:16 Iomraidhean Croise

Late 105:44

Amaute in ama ngeina kipte zui-in, ama thukhamte a neih theih nadingun, amah in amaute tungah minam dangteʼ leitang pia a, midangteʼ nasepna gahte zong amaute a ngahsak hi. Topa phat un.

Late 78:55

Amauʼ mai panin midangte hawl khia-in, amauteʼ luah ding neihsa hawmsak a, Israel minamte amauʼ buk sungah a tengsak hi.

Ezekiel 17:23

Israel mual sang pen dawnah suanin, a hiang zaai-in a gah luai dinga, taamtak lianpi khat suak ding hi. Tua tungah vasa nam khempeuh tawlnga dinga, bu bawlna munin a nei ding uh hi.

Ezekiel 36:8

Ahi zongin Israel mual tung gamte ah no ka mi Israel-te adingin singkungte in teh le gah hong neikik ding uh a, a sawt loin note, inn ah a hong ciahkik ding na hi uh hi.

Thu-hilhkikna 1:7

Kithawi-in na khualzin uh kipankik unla, Amor miteʼ mual tung gam le Arabah kiim, mual tung gam, lei niamna gam, Negeb gam khempeuh le Kanaan miteʼ gam tuipi gei le Lebanon, gun golpi ahi Eufratis gun dongin pai un.

Joshua 10:40

Tua ahih ciangin Joshua in gam khempeuh, mual tung gam le Negeb gam le lei niamna mun le mual pang suk le a khuapite khempeuh a zo hi. Amah in kuamah siit lo a, Israel-teʼ Topa Pasianʼ thupiak sa bangin mi khempeuh a susia mang hi.

Joshua 10:41

Joshua in amaute Kadesh-barnea panin Gaza ciang dong le Goshen gam khempeuh Gibeon ciang dong a zo gawp hi.

Joshua 11:15

Topa in ama nasem Moses a thupiak bangin Moses in zong Joshua thu pia a, Joshua zong tua bangmahin gamta a, Topa in Moses a thupiaknate khempeuh a hih loh om lo hi.

Joshua 11:2

saklam mual tung le Khinneroth leitaw lam a om Arabah gam sung le Jordan gunkuam le nitumna lamah Nafathdor gam sunga om kumpite,

Joshua 11:21

Tua hun laitakin Joshua hong pai-in mual tung gam, Hebron, Debir, Anab le Judah mual tung gam khempeuh le Israel mual tung gam khempeuh panin Anak mite not khia siang a, Joshua in a khuapite uh tawh amaute susia mang khawm hi.

Joshua 9:1

Jordan gal khat a om mual tung gam le lei niamna gam Lebanon lam Tuipi Lian dung khempeuh ah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin