Joshua 11:14 - Tedim Bible Revision 2017

¹⁴ Israel mite in tua khuapite sunga van kinusiate le ganhingte amauʼ gal zawh van dingin a la uh hi. Ahih hangin amaute a thah khit matengun namsau tawh vat gawp uh a, khat beek hingkhawi lo uh hi.

Tedim Bible

¹⁴ Israel mite in tua khuapite sunga van kinusiate leh ganhingte amau’ galzawh van dingin la uh hi; ahih hangin amaute a suksiat khit matengun namsau tawh vatgawp uh a, husang khat beek nusia lo uh hi.

Joshua 11:14 Iomraidhean Croise

2 KHANG TANGTHU NIHNATE 20:25

Van kinusiate a tawm dingin Jehoshafat le a mite hong pai ciangin bawngte, vante, puante le na manphate tampi tak mu uh a, a puak zawh nawn loh ciang dong uh amau adingin a la uh hi. Van kinusiate tam mahmah ahih manin ni thum sung tawm uh hi.

Gamlak-vakna 31:9

Israel-te in Midian nupite le a tate uh manin, a bawngte, a tuuhonte khempeuh le a na khempeuh uh laksak uh hi.

Thu-hilhkikna 20:14

Ahih hangin numeite le naupangte, ganhingte, khua sunga na dang khempeuh, a kinusiate khempeuh note adingin na la ding uh a, Topa na Pasian un note hong piak ahi na langte uh vante na tang ding uh hi.

Thu-hilhkikna 20:16

“Ahih hangin, amauʼ pasian-te a biakna uh ah a hih uh a kihhuai gamtatnate khempeuh note hong hilh theih loh nading le tua bangin Topa na Pasian uh tungah na khialh theih loh nadingun, Topa na Pasian un luah dingin noteʼ tungah hong piak hih miteʼ khuapi sungah mi khempeuh na hingkhawi kei ding uh a, Topa na Pasian un hong thupiak sa bangin Hit mite le Amor mite, Kanaan mite le Perez mite, Hiv mite le Jebus mite, a vekpi-in amaute na susia mang ding uh hi.

Joshua 10:40

Tua ahih ciangin Joshua in gam khempeuh, mual tung gam le Negeb gam le lei niamna mun le mual pang suk le a khuapite khempeuh a zo hi. Amah in kuamah siit lo a, Israel-teʼ Topa Pasianʼ thupiak sa bangin mi khempeuh a susia mang hi.

Joshua 11:11

Amaute in tua sunga om mi khempeuh namsau tawh that khin mang uh hi. Khat zong hingkhawi lo uh a, a khuapi uh zong a hal tum uh hi.

Joshua 11:13

Ahih hangin Hazor khua longal mual tunga om khuapite khat zong Israel mite in hal lo uh a, Joshua in tua khua bek a hal hi.

Joshua 11:15

Topa in ama nasem Moses a thupiak bangin Moses in zong Joshua thu pia a, Joshua zong tua bangmahin gamta a, Topa in Moses a thupiaknate khempeuh a hih loh om lo hi.

Joshua 8:2

Jerikho le a kumpipa tungah na bawl bangin Ai le a kumpipa tungah na bawl dinga, a van kinusiate le a ganhingte bek note adingin na la ding uh hi. A khuapi nungah a khuapi a sim dingin na buk sim ding uh hi,” a ci hi.

Joshua 8:27

Amah in Joshua a thupiak, Topaʼ thugenna bangin Israel-te in ganhing le khuapi sunga van kinusiate bek a la uh hi.