Joshua 10:8 - Tedim Bible Revision 2017

⁸ Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in. Amaute khat beek in nang hong nang zo lo ding uh hi,” a ci hi.

Tedim Bible

⁸ Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 10:8 Iomraidhean Croise

1 KUMPI MASATE 20:13

Tua ciangin Israel kumpi Ahab kiang nai ah kamsang khat hong pai-in, “Topa in hih bangin ci hi: Hih mihon tampi khempeuh na mu hiam? En in, tu ni-in nangma khut sungah kong pia ding hi. Tua ciangin keimah, Topa ka hihna na thei ding hi, ci hi,” a ci hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Thu-hilhkikna 3:2

Ahih hangin Topa in kei kiangah, ‘Amah kihta kei in; bang hang hiam cih leh amah le a mite khempeuh le a leitang nangma khut sungah kong pia khinzo hi. Heshbon ah a teeng Amor kumpipa Sihon na bawl bangin ama tungah na bawl ding hi,’ hong ci hi.

Thu-hilhkikna 7:24

Amah in noteʼ khut sungah amauteʼ kumpite hong pia dinga, note in mun khempeuh panin amauteʼ min na maimangsak ding uh hi. Amaute na susia mangkhin ding uh a, noteʼ lang khat ah mi khat beek hong pang zo lo ding hi.

Joshua 10:25

Joshua in amaute kiangah, “Lau kei unla, lungkia kei un. Thakhauh unla, hang un. Bang hang hiam cih leh noteʼ do na gal khempeuhte uh tungah Topa in hih bangin bawl ding hi,” a ci hi.

Joshua 10:9

Tua ahih ciangin Gilgal panin zan tawntung pai to-in Joshua in thakhat thu-in amaute sim gawp hi.

Joshua 11:6

Tua ciangin Topa in Joshua kiangah, “Zing ciang tu bang hunin amaute khempeuh a kithat sa-in Israel mite tungah pia ding ka hih manin amaute kihta kei un. A sakolte uh a zagui na sat tat ding uh a, a leengte uh mei tawh na hal ding uh hi,” a ci hi.

Joshua 8:1

Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai ah pai to in. Nangma khut sungah Ai kumpipa le a mite, a khuapi le a leitang kong piak khitna thei in.

Thukhente 6:16

Topa in ama kiangah, “Nang kong ompih dinga, nangmah in mihing khat bang lelin Midian-te na vat gawp ding hi,” a ci hi.

Thukhente 7:9

Tua zan mahin Topa in ama kiangah, “Tho in, giahphual simin pai in; bang hang hiam cih leh na khut sungah kong pia zo hi.

1 SAMUEL MASA 17:47

le Topa in namsau le teipi tawh a hotkhiat lohna thu hih lai-a a om khempeuh in a theih nading ahi hi. Bang hang hiam cih leh galdona pen Topa aʼ hi a, amah in koteʼ khut sungah note hong pia ding hi,” a ci hi.