Joshua 10:6 - Tedim Bible Revision 2017

⁶ Tua ciangin Gibeon mite in Gilgal-a giahphual a Joshua kiangah kamtai sawlin, “Na nasemte hong nusia kei in. Manlang takin ko kiangah hong pai to-in, kote hong hon inla, hong huh in. Bang hang hiam cih leh mual tung gam a teeng Amor kumpite khempeuh kote langpangin kikhawm uh hi,” a ci uh hi.

Tedim Bible

⁶ Tua ciangin Gibeon mite Gilgal-a giahphual-a Joshua kiangah kamtai sawl-in, “Na nasemte hong nusia kei in; manlang takin ko kiangah hong paito-in, kote hong hon in la, hong huh in; bang hang hiam cih leh mualtung gam-a teeng Amor kumpite khempeuh kote lang pangin kikhawm uh hi,” a ci uh hi.

Joshua 10:6 Iomraidhean Croise

2 KUMPI NIHNATE 4:24

Tua ciangin amah inla van vawhin a nasem pa kiangah, “Gan nawh in; kong gen kei nakleh kei adingin a pai khiamsak kei in,” a ci hi.

Late 125:2

Jerusalem kimkot ah mualte a om mah bangin ama miteʼ kimkot ah tu-a kipan a tawntungin Topa om ding hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Gamlak-vakna 13:29

Amalek mite Negeb gamah teeng uh hi. Hit mite, Jebus mite le Amor mite, mual tung gamah teeng uh hi. Kanaan mite tuipi gei le Jordan dungah teeng uh hi,” ci-in a gen uh hi.

Luka 1:39

Tua khit a sawt loin Mary kithawi a, Judea mual tung gam a khua khat ah a va pai pah hi.

Thu-hilhkikna 1:15

Tua ahih ciangin na minam lutang uh ahi, a pil thu phawk sa mite ka la a, noteʼ tungah lutangin a tul uk, a za uk, a sawm nga uk, a sawm ukte le uliante na minam khempeuh sung uh ah ka koih hi.

Joshua 10:5

Tua ciangin Amor kumpi ngate, Jerusalem kumpi, Hebron kumpi, Jarmuth kumpi, Lakhish kumpi le Eglon kumpi, a galkapte khempeuh uh tawh pai to-in Gibeon lang khat ah phual satin a do uh hi.

Joshua 10:7

Tua ahih ciangin Gilgal panin amah le galhang mite khempeuh le a thahat mi khempeuh tawh Joshua a kuan to hi.

Joshua 21:11

Amaute in Judah mual tung gam Kiriath-arba, Arba pen Anakʼ pa (Hebron a cihna), a kiim a lo nona gam tawh amau tungah pia uh hi.

Joshua 5:10

Israel mite Gilgal-a giahphual ah a om sungun tua kha a ni sawm le li ni nitakin Jerikho zanglei ah Paisan Pawi a bawl uh hi.

Joshua 9:15

Tua ciangin Joshua in amaute tawh kilemna bawlin, amaute a hinsak nading thuciamna a bawl uh hi. Tua ciangin mihonteʼ makaite amauʼ tungah a kiciam uh hi.

Joshua 9:6

Amaute Gilgal-a giahphual a Joshua kiangah hong pai-in amah le Israel mite tungah, “A gamlapi panin kong pai uh hi. Tua ahih ciangin kote tawh thuciamna khat hong bawl un,” a ci uh hi.

Joshua 9:8

Amaute in Joshua kiangah, “Kote, nangma nasem ka hi uh hi,” a ci uh hi. Tua ciangin Joshua in amaute kiangah, “Kuate na hi uh hiam? Koi lai panin hong pai na hi uh hiam?” a ci hi.