Joshua 10:5 - Tedim Bible Revision 2017

⁵ Tua ciangin Amor kumpi ngate, Jerusalem kumpi, Hebron kumpi, Jarmuth kumpi, Lakhish kumpi le Eglon kumpi, a galkapte khempeuh uh tawh pai to-in Gibeon lang khat ah phual satin a do uh hi.

Tedim Bible

⁵ Tua ciangin Amor kumpi ngate, Jerusalem kumpi, Hebron kumpi, Jarmuth kumpi, Lakhish kumpi, leh Eglon kumpite in a galkapte khempeuh uh gawmin a galkapte khempeuh uh tawh paito-in Gibeon lang khatah phual satin do uh hi.

Joshua 10:5 Iomraidhean Croise

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor miteʼ mawhna kicing nai lo hi,” a ci hi.

Jeremiah 34:7

Tua hun pen Babylon kumpipaʼ galkapte in Jerusalem khuapi le Judah gam a khuapi muanhuai lakah a om lai Lakhish khua le Azekah khuate gel zong a sim laitak uh ahi hi.

Gamlak-vakna 13:29

Amalek mite Negeb gamah teeng uh hi. Hit mite, Jebus mite le Amor mite, mual tung gamah teeng uh hi. Kanaan mite tuipi gei le Jordan dungah teeng uh hi,” ci-in a gen uh hi.

Joshua 10:16

Hih kumpi ngate tai-in Makkedah leihawm sungah bu uh hi.

Joshua 10:6

Tua ciangin Gibeon mite in Gilgal-a giahphual a Joshua kiangah kamtai sawlin, “Na nasemte hong nusia kei in. Manlang takin ko kiangah hong pai to-in, kote hong hon inla, hong huh in. Bang hang hiam cih leh mual tung gam a teeng Amor kumpite khempeuh kote langpangin kikhawm uh hi,” a ci uh hi.

1 SAMUEL MASA 7:14

Israel-teʼ tung panin Filistia-te in a lak sa khuapite, Ekron panin Gath ciang kikal sungteng, Israel-te tungah kipiakik a, Israel-te in Filistia-teʼ khut sung panin a gam uh lakik uh hi. Israel-te le Amor mite kikalah zong kilemna om hi.