Joshua 10:25 - Tedim Bible Revision 2017

²⁵ Joshua in amaute kiangah, “Lau kei unla, lungkia kei un. Thakhauh unla, hang un. Bang hang hiam cih leh noteʼ do na gal khempeuhte uh tungah Topa in hih bangin bawl ding hi,” a ci hi.

Tedim Bible

²⁵ Joshua in amaute kiangah, “Lau kei un la, lungkia kei un; thakhauh un la, hang un; bang hang hiam cih leh note' do na gal khempeuhte uh tungah Topa in hih bangin bawl ding hi,” a ci hi.

Joshua 10:25 Iomraidhean Croise

Late 63:9

Ahi zongin thah dingin kei a hong zongte, lei thukpi sungah pai suk ding uh hi.

Late 77:11

Topaʼ sepnate ka lungsimah ka phawk dinga, hun lui lai-a nangma nalamdangte ka ciamteh ding hi.

ROM (Romans) 8:37

Eite a hong it paʼ hangin hih thu khempeuh ah a gualzo pente ihi hi.

2 KORIN NIHNA 1:10

Tua zahin a lauhuai sih nading panin hong hon khia khinzo a, zong hong hon khia lai ding hi. Mailam hunah zong hong hon khia kikkik ding hi, ci-in amah ka muang uh hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Thu-hilhkikna 7:19

na mitte un a muh sa a lian ze-etnate, limte, nalamdangte, a vangliatna le Topa na Pasian un hong paikhiat pihna a thahatna na phawk ding uh hi. Topa na Pasian un na kihtak uh mi khempeuh tungah tua bangin hih ding hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in. Amaute khat beek in nang hong nang zo lo ding uh hi,” a ci hi.

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong hon khia Topa in hih Filistia-paʼ khut sung panin zong kei hong hon khia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih tahen!” a ci hi.