Joshua 10:20 - Tedim Bible Revision 2017

²⁰ Joshua le Israel mite in amaute a beisiang dongin tampi tak a thah khit uh ciang le a suakta lai mite amauʼ khuapi muanhuai sungah a tum khit uh ciangin,

Tedim Bible

²⁰ Joshua leh Israel mite in amaute a bei siang dongin tampi tak a thah khit ciang, leh a suakta lai mite amau’ khuapi muanhuai sungah a tum khit uh ciangin,

Joshua 10:20 Iomraidhean Croise

2 SAMUEL NIHNA 20:6

Tua ciangin David in Abishai kiangah, “Tu-in Bikhriʼ tapa Sheba in Absalom sangin eite tungah siatna tam zaw hong bawl ding hi. Na topaʼ nasemte la inla, amah delh in. Tua hikeileh amah in ama adingin khuapi muanhuaite ngahin eite tungah buaina hong piangsak ding hi,” a ci hi.

1 KUMPI MASATE 20:21

Tua ciangin Israel kumpipa pai khia-in sakolte le leengte man a, Syria-te tampi tak a that hi.

2 KHANG TANGTHU NIHNATE 13:17

Abijah le a mite in Israel-te tampi tak that uh hi. Tua ahih ciangin Israel mi a kiteng khia mihing tul za nga a kithatin tuk hi.

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai ah va si ni. Bang hang hiam cih leh Topaʼ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Thu-hilhkikna 20:16

“Ahih hangin, amauʼ pasian-te a biakna uh ah a hih uh a kihhuai gamtatnate khempeuh note hong hilh theih loh nading le tua bangin Topa na Pasian uh tungah na khialh theih loh nadingun, Topa na Pasian un luah dingin noteʼ tungah hong piak hih miteʼ khuapi sungah mi khempeuh na hingkhawi kei ding uh a, Topa na Pasian un hong thupiak sa bangin Hit mite le Amor mite, Kanaan mite le Perez mite, Hiv mite le Jebus mite, a vekpi-in amaute na susia mang ding uh hi.

Joshua 10:10

Topa in Israel-teʼ mai ah amaute amkhamsakin, amaute in Gibeon ah amaute tampi tak that uh a, Beth-horon pai tohna lampi ah amaute delhin, Azekah le Makkedah ciang dong amaute a vat gawp uh hi.

Joshua 10:19

Ahih hangin note tua lai ah om kei un. Na galte uh delhin a nungdalte bawh unla, a khuapi sung uh ah amaute lutsak kei un. Bang hang hiam cih leh Topa na Pasian un noteʼ khut sungah amaute hong pia zo hi,” a ci hi.

Joshua 10:21

Makkedah giahphual Joshua kiangah mi khempeuh cidamin a ciahkik uh hi. Israel mite khatpeuh a paupih ngam kuamah om lo hi.

Joshua 11:12

Topaʼ nasem Moses in a thupiak sa bangin Joshua in tua kumpiteʼ khuapite le a kumpi khempeuh la-in namsau tawh amaute vatin that mangkhin hi.

Joshua 11:8

Topa in Israel-teʼ khut sungah amaute pia a, amaute in vat gawpin a Lian Sidon le Misrefoth-maim ciang dong le nisuahna lamah Mizpeh kuam ciang dong delh uh a, amaute kuamah a om nawn lo dongin a vat gawp uh hi.

Joshua 8:24

Amaute in a delhna gamlak ah Ai khuami khempeuh thatin, amaute khempeuh a bei dongin namsau tawh a thah uh a man khit uh ciangin, Israel-te khempeuh Ai ah paikikin Ai khuami a omlaite namsau tawh a vat gawp uh hi.