Joshua 1:6 - Tedim Bible Revision 2017

⁶ Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Tedim Bible

⁶ Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Joshua 1:6 Iomraidhean Croise

Piancilna 12:7

Tua ciangin Abramʼ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa adingin biakna tau khat a bawl hi.

Piancilna 26:3

Hih leitang ah tawl khat om in. Nang tawh kong om khawm dinga, thupha kong pia ding hi. Bang hang hiam cih leh nang le na suanlekhakte tungah hih leitangte kong pia dinga, na pa Abrahamʼ tungah ka thuciam ka tungsak ding hi.

2 SAMUEL NIHNA 10:12

Kihangsak in; i mite ading le i Pasianʼ khuapite adingin kipasalsak ni; Topa in hoih a sak bangin hong hih tahen,” a ci hi.

1 KUMPI MASATE 2:2

“Leitung mi khempeuh ngeina bangin a pai ding ka hi ta hi. Thakhauhin pasal na hihna kilangsak in.

1 KHANG TANGTHU MASATE 22:13

Tua ciangin Israel-te adingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

1 KHANG TANGTHU MASATE 28:10

Biakinn dingin inn khat a lam dingin Topa in nang hong teel khin ahih manin tu-in kingaihsun in; thahat inla sem in,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topaʼ biakinn sung nasepna khempeuh a kizawh matengin amah in nang hong tamasak lo dinga, hong nusia lo ding hi.

2 KHANG TANGTHU NIHNATE 15:7

Ahih hangin nang, hang in! Na nasepna thaman hong kipia ding ahih manin na khut zawsak kei in,” a ci hi.

2 KHANG TANGTHU NIHNATE 20:11

ka luah dingun kote tungah nong piak sa nangma neihsa panin kote a hong hawl khia dingin hong paina tawh amaute in kote hong leh thuk zawsop uh hi.

2 KHANG TANGTHU NIHNATE 20:7

Koteʼ Pasian aw, hih gamah a teeng mite na mi Israel-teʼ mai ah hawl khia-in, na lawmpa Abrahamʼ suanlekhakte tungah a tawntung dingin pia hi lo na hi hiam?

Late 27:14

Topa muang in. Thakhauh inla, na lungsim hangsakin, Topa muang in.

Daniel 10:19

Amah in, “Lunghimawh kei inla, lau kei in. Kihangsak in. Pasian in nang hong it hi,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in; tu-in ka ci a hong dam zaw diak hi,” ka ci hi.

Haggai 2:4

Tu-in note kuamah lungkia kei un. Note tawh hong om khawm ka hih manin nasep kipan un.

Zekhariah 8:9

“Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.

Gamlak-vakna 26:53

“Mi a phazah tawh kizui-in hih mite tungah luah dingin leitang kihawm ding hi.

Gamlak-vakna 33:53

Na neih dingun noteʼ tungah leitang hong pia khin ka hih manin note in leitang luahin tua tungah na teeng ding uh hi.

1 KORIN MASA 16:13

Kiging tawntungin na upna uh ah kip unla, thahatin hang un.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Thu-hilhkikna 1:21

En un, Topa na Pasian un noteʼ mai ah leitang koih zo hi. Topa, na pate uh Pasian in note tungah hong gen sa bangin pai to-in luah un. Lau kei unla, lungkia kei un,’ kong ci hi.

Thu-hilhkikna 1:8

En un, noteʼ mai ah leitang ka koih zo hi. Pai unla, Topa in na pate uh Abraham, Isaac, Jakob le amauʼ nung a a suanlekhakte uh tungah piak dingin a ciam leitang luah un,’ hong ci hi.

Thu-hilhkikna 11:8

“Tua ahih ciangin note thahatin, na luah ding uh leitang ah va pai-in na luah theih nading uh le, Topa in na pu na pate uh le a suanlekhakte uh tungah piak dingin a kiciam, bawngnawi le khuaizu tui bangin a luanna gamah sauvei na nuntak theih nadingun tu ni-a kong gen thupiakna khempeuh na zui ding uh hi.

Thu-hilhkikna 31:23

Tua ciangin Topa in Nunʼ tapa Joshua sawlin, “Thahat inla hang in; bang hang hiam cih leh amaute piak dingin ka kiciam leitang tungah Israel mite na paipih dinga, nang tawh kong om ding hi,” a ci hi.

2 TIMOTI NIHNA 2:1

Ka ta aw, nang na hih leh Khris Jesu tawh i kipawl manin i ngah hehpihna hangin thahatin om in.

Joshua 1:18

Na thupiakna le na thute, na thupiak peuhpeuh hong langpangin a mang lo mipa kithat ding hi. Thahat inla hang in,” a ci uh hi.

Joshua 1:7

Thahat-in hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuh ah hoihtakin na lamzan theih nadingin tuate khat zong pelh kei in.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Joshua 10:25

Joshua in amaute kiangah, “Lau kei unla, lungkia kei un. Thakhauh unla, hang un. Bang hang hiam cih leh noteʼ do na gal khempeuhte uh tungah Topa in hih bangin bawl ding hi,” a ci hi.

Joshua 13:6

Lebanon le Misrefoth-maim kikalah a teeng Sidon mite khempeuh ahi hi. Kei mahmah in Israel miteʼ mai panin amaute ka hawl khia dinga, nang kong thupiak sa bangin Israel mite tungah a luah dingun leitang hawm in.

Joshua 18:3

Tua ahih ciangin Joshua in Israel mite kiangah, “Topa, na pu na pate uh Pasian in note hong piak sa leitang ah pai-in na luah ding uh bang tanvei zekai lai ding na hi uh hiam?

Joshua 21:43

Tua bangin Topa in amauʼ pu le pate tungah piak dingin a kiciam leitang khempeuh Israel tungah pia a, amaute in a ngah khit uh ciangin tua lai ah a teeng uh hi.

Joshua 5:6

Bang hang hiam cih leh amaute in Topaʼ thu a ngaih lohna hangun Egypt panin a hong paikhia minam bup, galhang mite a sih khit dong kum sawm li sung sehnel gamah Israel mite lam pai uh hi. Topa in amauʼ tungah a piak dingin a pu a pate tungah a ciam sa bawngnawi le khuaizu tui bangin a luanna leitang a muhsak loh nading thu amaute tungah Topa kiciam hi.

1 SAMUEL MASA 4:9

Filistia mite aw, hang unla, pasal bangin gamta un. Tua hikeileh amaute, noteʼ sila hong hih mah bangin Hebru miteʼ sila na suak ding uh hi. Pasal lungsim nei-in do un,” a ci uh hi.