Joshua 1:2 - Tedim Bible Revision 2017

² “Ka nasem pa Moses si ta ahih ciangin tu-in ding inla, nang le hih mite khempeuh, hih Jordan kantanin Israel mite tungah ka piak gam sungah pai un.

Tedim Bible

² “Ka nasempa Moses si ta hi; tua ahih ciangin tu-in ding in la, nang leh hih mite khempeuh, hih Jordan kantanin Israel mite tungah ka piak gam sungah pai un.

Joshua 1:2 Iomraidhean Croise

Piancilna 17:8

Nangma tung le nangʼ khit cianga na suanlekhakte tungah tawl khat na omna Kanaan leitang khempeuh na neih tawntung dingun kong pia dinga, kei pen amauteʼ Pasian ka hi ding hi,” a ci hi.

Nehemiah 9:23

Nangmah in amauʼ suanlekhakte van a aksi zahin sim zawh lohin na tamsak a, a pu a pate un a luah dingin na piak dingin na ciam sa gamah amaute na paipih hi.

JOB (Job) 1:8

Tua ciangin Topa in Satan kiangah, “Ka nasem Job na phawk kha hiam? A paubaang lo, a thutang, Pasian zahtakin gamtat hoih lo a peel amah tawh a kibang midang leitungah na mu kei ding hi,” a ci hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Gamlak-vakna 12:7

Ka nasem pa Moses tawh tua bang hi lo hi; ka inn sung thu khempeuh amah ki-ap hi.

Thu-hilhkikna 3:28

Ahih hangin Joshua thu pia inla, hanthawnin tha khauhsak in; bang hang hiam cih leh hih miteʼ mai ah amah pai dinga, nangmah in na muh ding leitang amaute luahsak ding hi,’ hong ci hi.

Thu-hilhkikna 31:7

Tua ciangin Moses in Joshua samin, Israel-te khempeuh muhin ama kiangah, “Thahat inla hang in. Bang hang hiam cih leh amaute tungah piak dingin Topa in amauʼ pute pate tungah a ciam sa leitang ah hih mite tawh na pai dinga, nangmah in tua leitang amaute na ngahsak ding hi.

Thu-hilhkikna 34:5

Tua ahih ciangin Topaʼ thugenna bangin Topaʼ nasem Moses pen Moab gamah si a,

Joshua 1:1

Topaʼ nasem Moses a sih khit ciangin Topa in Mosesʼ nasem, Nun tapa Joshua kiangah,

Joshua 1:11

“Giahphual ah pai unla, mite thu pia-in, ‘Na lam-an ding uh kiging khol un; bang hang hiam cih leh Topa na Pasian un na neih dingun note hong piak leitang ah pai-in a luah dingin ni thum sungin hih Jordan a gal kah ding na hi uh hi,’ ci un,” a ci hi.