Joshua 1:1 - Tedim Bible Revision 2017

¹ Topaʼ nasem Moses a sih khit ciangin Topa in Mosesʼ nasem, Nun tapa Joshua kiangah,

Tedim Bible

¹ Topa’ nasem Moses a sih khit ciangin Topa in Moses’ nasem ahi Nun’ tapa Joshua kiangah,

Joshua 1:1 Iomraidhean Croise

1 KUMPI MASATE 19:16

Tua ciangin Israel kumpi dingin Nimshiʼ tapa Jehu sathau na nilh ding hi. Tua ciangin nangma munah kamsang dingin Abelmeholah khuami Shafatʼ tapa Elisha sathau na nilh ding hi.

2 KUMPI NIHNATE 3:11

Tua ciangin Jehoshafat in, “Ama tungtawnin Topaʼ tungah thu i dot theih nadingin hih lai ah Topaʼ kamsang om lo ahi hiam?” a ci hi. Tua ciangin Israel kumpipaʼ nasemte khat in dawngin, “Elijah a huhpa om a, Shafatʼ tapa Elisha ahi hi,” a ci hi.

Nehemiah 8:17

Tua hi a, salsuahna panin a hong ciahkik a kikhawm mite khempeuh in sawlbuk lamin tuate sungah om uh hi; bang hang hiam cih leh Nunʼ tapa Joshuaʼ hun a kipanin tua ni dongin Israel mite in tua bangin hih ngei lo uh hi. Tua hi a, amaute lungdam mahmah uh hi.

Paikhiatna 24:13

Tua ahih ciangin ama nasem pa Joshua tawh Moses kithawi uh a, Pasianʼ mual tungah pai to uh hi.

Gamlak-vakna 11:28

Ama teel mite lakah khat ahi, Mosesʼ nasem, Nunʼ tapa Joshua in, “Ka topa Moses aw, amaute kham in,” a ci hi.

Gamlak-vakna 12:7

Ka nasem pa Moses tawh tua bang hi lo hi; ka inn sung thu khempeuh amah ki-ap hi.

Gamlak-vakna 13:16

Hihte pen gam vaan dingin Moses in a sawl miteʼ min ahi hi. Moses in Nunʼ tapa Hoshea pen Joshua ci-in a min kheelsak hi.

Luka 16:10

“A tawmno ah a diktatte pen a tam ah zong dik tat uh a, a tawmno ah a citak lote pen a tam ah zong citak lo uh hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

Thu-hilhkikna 1:38

Nunʼ tapa Joshua, nangma mai ah a ding pa lut ding hi. Amah hanthawn in; bang hang hiam cih leh amah in Israel mite tua gam luahsak ding hi.

Thu-hilhkikna 31:23

Tua ciangin Topa in Nunʼ tapa Joshua sawlin, “Thahat inla hang in; bang hang hiam cih leh amaute piak dingin ka kiciam leitang tungah Israel mite na paipih dinga, nang tawh kong om ding hi,” a ci hi.

Thu-hilhkikna 31:3

Topa na Pasian mahmah uh noteʼ mai ah hong gal kah ding hi. Noteʼ mai ah hih minamte amah in susia dinga, note in amaute na suan khia ding uh hi. Topaʼ gen sa bangin noteʼ mai ah Joshua hong gal kah ding hi.

Thu-hilhkikna 33:1

Hih pen, Pasianʼ mi Moses in ama sih ma-in Israel mite thupha a piakna ahi hi.

Thu-hilhkikna 34:12

Israel-te khempeuh muhna ah Moses in a hih a lian vangliatna le a lauhuaite khempeuh a hih thei, amah tawh a kibang kuamah dang om lo hi.

Thu-hilhkikna 34:5

Tua ahih ciangin Topaʼ thugenna bangin Topaʼ nasem Moses pen Moab gamah si a,

Thu-hilhkikna 34:9

Tua ciangin Moses in, ama tungah a khut nga khin ahih manin Nun tapa Joshua lungsim pilna tawh a kidim hi. Tua ahih ciangin Israel mite in ama thu mangin, Topa in Moses a thupiak sa bangin a gamta uh hi.

Titu 1:1

Pasianʼ sila le Jesu Khrisʼ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasianʼ teel miteʼ upna le thuman thutak a theihna uh ah biakna thu tawh kituakin a khan semsem nading thu a hilh dingin eite hong Hon Pasianʼ thupiakna tawh nasep hong kipia ahih manin,

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin noteʼ neih leitang ah ciahkikin, Topaʼ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 1:2

“Ka nasem pa Moses si ta ahih ciangin tu-in ding inla, nang le hih mite khempeuh, hih Jordan kantanin Israel mite tungah ka piak gam sungah pai un.

Joshua 12:6

Topaʼ nasem Moses le Israel mite in amau tegel a zo uh hi. Tua ciangin Topaʼ nasem Moses in Reuben mite, Gad mite le Manasseh minam a langte tungah a neih dingun amauʼ leitang a pia hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.