Johan 9:8 - Tedim Bible Revision 2017

⁸ Tua hun ma-in amah ngettawm suangin a om a mu a veengte le amah a mu ngei mite in khua a muh theihna a muh uh ciangin, “Ngettawm suangin a tutu mipa hi lo ahi hiam?” a ci uh hi.

Tedim Bible

⁸ Tua ahih ciangin amah in khutdawh ngen mi ahih lam a inn veengte leh amah a mu ngeite in, “Hih pa in tu-a khutdawh ngenpa hilo ahi hiam?” a ci uh hi.

Johan 9:8 Iomraidhean Croise

Marka 10:46

Tua ciangin Jerikho khua a tung uh hi. Tua khua panin a nungzuite le mihonpite tawh a paikhiat laitakun, Timiasʼ tapa a mittaw khut dawhin a ngen Bartimias, lampi gei ah na tu hi.

Luka 1:58

Topa in amah a hehpih mahmahna thu a zak uh ciangin a veengte le a behte khempeuh in a lungdam pih uh hi.

Luka 18:35

Jerikho khua kiang Jesu a tun ciangin lampi gei ah khutdawh a ngen mittaw khat a na tu hi.

Johan 9:9

Mi pawl khat in, “Amah hi mah hi,” ci uh a, ahi zongin pawl khat in, “Amah hi lo hi; a kisun lel ahi hi,” a ci uh hi. Ahi zongin amah in, “Kei pen tua mipa ka hi hi,” a cih ciangin

Ruth 1:19

Tua ahih ciangin Bethlehem a tun mateng uh a nihun paisuak uh hi. Bethlehem a tun uh ciangin amauteʼ hangin a khuazang un luum lialua-in nupite in, “Hih nu Naomi mah ahi hiam?” a ci uh hi.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun a phong to hi. Uliante tawh tu khawmsak a, minphatna ngahsak hi. Bang hang hiam cih leh leitung khuampite Topa aʼ hi a, tuate tungah amah in leitung pumpi a koih hi.

1 SAMUEL MASA 21:11

Akhishʼ nasemte in ama kiangah, “Hih David, a gam kumpipa hi lo ahi hiam? Amaute khatlekhat in ama thu la-in sa-in laam uh a, ‘Saul in a tulin that, David in a tul sawmin that,’ ci hi lo ahi uh hiam?” a ci uh hi.