Johan 9:7 - Tedim Bible Revision 2017

⁷ “Siloam Bual ah na mai va phiat in,” ci-in a sawl hi. (Siloam a cih ciangin, Sawl, a cihna ahi hi.) Tua ahih manin mittaw pa zong va pai-in a mai va phiat a, khua mu thei sa-in hong paikik hi.

Tedim Bible

⁷ “Pai in la, Siloam bual tui sungah na mit na sil in,” ci-in a sawl hi. Siloam a khiatna in “Hong sawl hi” cihnopna hi. Tua ahih ciangin, tua pa pai-in a sil khit ciangin a mit in khua mu-in hong ciahkik hi.

Johan 9:7 Iomraidhean Croise

Nehemiah 3:15

Mizpah gam a uk, Kolhozehʼ tapa Shallum in Tuinak Kongpi puah a, tua kongpi bawl pha-in a kongkhakte a kalhna bulh hi. Tua ciangin amah in kumpipaʼ huan gei-a kulh ciang a, David khuapi pan a hong pai suk kahlei ciang dong a sem hi.

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Paikhiatna 4:11

Tua ciangin Topa in ama kiangah, “Kua in mipaʼ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hi lo ka hi hiam?

Isaiah 32:3

Tua ciangin amauʼ mit in mi cimawhteʼ kisapna mu ding uh a, amauʼ bil in mi cimawhteʼ thugen ngai ding uh hi.

Isaiah 35:5

Tua ciangin mittawteʼ mit kihong dinga, bilngongteʼ bil kihong ding hi.

Isaiah 43:8

Mit nei napi-in a mit a tawte, bil nei napi-in a bil a ngongte, hong paikhiatpih un.

Isaiah 8:6

“Hih mite in dam takin a luang didi Shiloah tuite nial uh a, Rezin le Remaliahʼ tapaʼ mai ah launa tawh liingliang uh hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

Johan 11:37

Ahi zongin pawl khatte in, “Mittawte khua a musak thei hih mipa in amah a sih loh nadingin bawl thei lo ahi hiam?” a ci uh hi.

Johan 9:11

Amah in, “Jesu a kici mi khat in a cil tawh buan bawlin ka mitte hong nuhsak a, ‘Siloam Bual ah pai inla na mai va phiat in,’ hong ci ahih manin kei zong va pai-in ka mai ka phiat leh khua ka mu theikik hi,” ci-in a dawng hi.

Johan 9:39

Tua ciangin Jesu in, “Mittawte in khua a muh theih nading le khua mu thei a kineite mittaw a bat theih nadingin leitungah thukhen dingin a hong pai ka hi hi,” a ci hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.