Johan 9:4 - Tedim Bible Revision 2017

⁴ Sun khuavak lai teng kei hong sawl paʼ na i sem ding hi. Kuamah in na a sep theih loh zan hun zong hong tung ding hi.

Tedim Bible

⁴ Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Johan 9:4 Iomraidhean Croise

Thuhilh-sia 9:10

Na mai ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo ah va kuan un,’ a ci hi.

Marka 3:3

Jesu in khut zaw mipa kiangah, “Hih a mai lamah hong ding in,” a ci hi.

Johan 10:32

Jesu in, “Ka Paʼ hong sawl bangin noteʼ muhna ah na hoih tampi ka hong sepna hangin suang tawh den hong sawm na hi uh hiam?” a cih ciangin

Johan 10:37

Ka Paʼ na a sem lo hi leng na hong up loh mah ding uh ahi hi.

Johan 12:35

Jesu in, “Note kiangah tawmvei sung khuavak hong om lai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 5:36

Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Johan 7:33

Jesu in tua mite kiangah, “Note lakah tawl khat ka om lai dinga, tua ciangin kei hong sawl pa kiangah ka pai ding hi.

Sawltak 4:20

Tua ahih manin kote in ka muh sa uh le ka zak sa uh thute gen loin ka om thei kei ding uh hi,” ci-in a dawng uh hi.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Efesa 5:16

Tu hun pen hunhoih lo hun ahih manin na hun neih khempeuh uh a hoih lamin zang un.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.