Johan 9:34 - Tedim Bible Revision 2017

³⁴ Tua ciangin amaute in, “Mawhna bulomtang sung panin suakin a khang khia mipa in kote tungah thu hong hilhsawm na hi hiam?” ci-in tua mittaw ngei pa a hawl khia uh hi.

Tedim Bible

³⁴ Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Johan 9:34 Iomraidhean Croise

Piancilna 19:9

Ahih hangin amaute in, “Tai khia in. Kote kiangah hong peem pak a, tu-in nang thukhen hong kineih ding na hi hiam? Tu-in amaute sangin nang kong siat bawl zaw ding uh hi,” a ci uh hi. Tua ciangin amaute in nakpi takin Lotʼ lam hong neh uh a, kongkhak a phukham zah dongin hong neh uh hi.

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsang pa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khensatna ka thei hi,” a ci hi.

JOB (Job) 14:4

Mihing banga a ninte sung panin a siang hong piang lo ding hi.

JOB (Job) 25:4

Pasianʼ muhna ah kua dik zo dinga, siangtho zo ding ahi hiam?

Late 51:5

A khial sa mahin kei ka suak a, ka nu in a gil sungah hong paii tung a kipan a mawh sa ka hi hi.

Paikhiatna 2:14

Amah in dawngin, “Kote a hong uk ding le thu a hong khen dingin kua in nang hong koih ahi hiam? Egypt mipa na thah bangin kei zong thah hong sawm na hi hiam?” a ci hi. Tua ciangin Moses lau a, “A thu hong kithei taktak hi,” ci-in ngaihsun hi.

Paunak 22:10

Mi kiphasakte hawl khia lecin kitotna le kisimmawhna bei pah ding hi.

Paunak 26:12

A pil lo kimlai a pil a kisa pa sangin mihaite adingin lametna om zaw lai hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

Isaiah 65:5

“Note kiang panin kote hong kituam koih ahih manin kihem khia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuak zo nawn kei hi. Amaute tungah ka hehna pen a mit ngei lo meikuang tawh kibang hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Luka 11:45

Tua ciangin Thukham hilh siate khat in Jesu kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Luka 18:17

Keʼn kong cih in ah, naupang bangin Pasianʼ Ukna a mang lo peuhmah Pasianʼ Ukna sungah om thei lo ding hi,” a ci hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Johan 8:41

Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin,

Johan 9:2

A nungzuite in, “Sia aw, hih pa a mittawtna ama mawhna hang ahi hiam, a nu a pateʼ mawhna hang ahi hiam?” ci-in a dong uh hi.

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Johan 9:35

Hih mipa a kihawlkhiatna thu Jesu in za ahih manin amah a muh ciangin, “Mihing Tapa na um hiam?” ci-in a dong hi.

Johan 9:40

Ama kiangah a om Farisi mi pawl khat in hih bangin a thugenna a zak uh ciangin, “Kote zong a mittaw-in hong ngaihsun na hi hiam?” ci-in a dong uh hi.

Galati 2:15

A taktakin ci lehang kote pen ka pian ka pat-un Jew mi ka hi uh a, “Mawhnei Gentail mi,” ka cih pawlte uh ka hi kei uh hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasianʼ hehna hangin gim a thuak dingte ihi hi.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

3 JOHAN THUMNA 1:10

Tua ahih manin kong pai ciangin kote hong gensiatna, zuau thu a genna le a gamtatna khempeuh ka pholak ding hi. Tua bang mi gensiatna ciang bek hi loin, i Khristian mipihte zin nangawn tungsak nuam lo a, zin a tungsak nuamte nangawn khamin, pawlpi panin hawlkhiat ding hanciam lai hi.

3 JOHAN THUMNA 1:9

Na pawlpite kiangah lai ka gelh ngei hi. Ahi zongin na pawlpi sungah mi lian pen a ut Diotrefes in ka thugen hong mang nuam lo hi.

Mangmuhna 13:17

Tua ahih manin tua ganhing min ahih kei leh a min tangin a nambat ciaptehna a tungah a nei lo mi peuhmah, vanlei vanzuakin paikhia thei lo uh hi.