Johan 9:11 - Tedim Bible Revision 2017

¹¹ Amah in, “Jesu a kici mi khat in a cil tawh buan bawlin ka mitte hong nuhsak a, ‘Siloam Bual ah pai inla na mai va phiat in,’ hong ci ahih manin kei zong va pai-in ka mai ka phiat leh khua ka mu theikik hi,” ci-in a dawng hi.

Tedim Bible

¹¹ Amah in, “Zeisu kici mi khat in buan bawla ka mitah a nuh khit ciangin, ‘Siloam bualah pai in la, sil in,’ hong cih bangin pai-in ka sil leh, khua ka mu hi,” a ci hi.

Johan 9:11 Iomraidhean Croise

Jeremiah 36:17

Tua ciangin Baruk kiangah, “Hih thute khempeuh bangci at na hi hiam? Jeremiah in hong sit ahi hiam?” ci-in a dong uh hi.

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Johan 9:10

amaute in, “Tua pa na hih leh bangci-in khua mu theikik na hi hiam?” ci-in a dong uh hi.

Johan 9:12

Tua ciangin amaute in, “Tua mipa koi ah om ahi hiam?” ci-in a dot uh leh, “Ka thei kei hi,” ci-in a dawng hi.

Johan 9:27

“A thu teng kong gen khit sa hi napi, ka thugen na um kei uh hi. Bang dingin za kikkik nuam na hi uh hiam? Note zong ama nungzui suak nuam na hi uh hiam?” ci-in a dawng hi.