Johan 8:52 - Tedim Bible Revision 2017

⁵² Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Tedim Bible

⁵² Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

Johan 8:52 Iomraidhean Croise

Mattiu 11:18

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 14:23

Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Johan 15:20

‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 7:20

Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Johan 8:22

Tua ahih manin Jew mi uliante in, “‘Ka paina ah note na hong pai thei kei ding uh hi,’ ci ahih manin a mahmah kithattawm ding a cihna hi ding hiam?” a ci uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:55

Note in amah na thei ngei kei uh a, ahi zongin keʼn ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin keʼn amah thei ka hih manin ama thu ka mang hi.

Johan 9:24

Tua ciangin a mittaw ngei pa mah samkik leuleu uh a, “Pasianʼ mai ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Hebru 11:13

Hih mite khempeuh in amaute tungah piak dingin Pasianʼ ciam thute ngah nai lo uh a, gamlapi ah a om lai gal muhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

Hebru 2:9

Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.