Johan 8:47 - Tedim Bible Revision 2017

⁴⁷ Pasian kiang panin a paite in Pasianʼ thugen za thei hi. Ahi zongin note pen Pasian kiang pan hi lo na hih manun Pasianʼ thu na ngai nuam kei uh hi,” ci-in a dawng hi.

Tedim Bible

⁴⁷ Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

Johan 8:47 Iomraidhean Croise

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah thei tel thei lo uh ahih manin a gilo semsem ding uh hi. Ahih hangin mipilte in theih tel theihna a nei ding uh hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 6:65

Tua ciangin Jesu in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a gen thuah lai hi.

Johan 8:37

Note pen Abrahamʼ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:45

Tua ahih manin thuman kong gen ciangin na hong um thei kei uh hi.

1 JOHAN MASA 3:10

Hih pen Pasian tate le Dawimangpaʼ tate a kilamdanna ahi hi. A manin gamta loin, a Khristian mipihte a it lo mi peuhmah, Pasianʼ tate hi lo uh hi.

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

2 JOHAN NIHNA 1:9

Khrisʼ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

3 JOHAN THUMNA 1:11

Ka hong it lawm Gaias aw, mihoih loteʼ gamtatna zui kei inla, mihoihteʼ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.