Johan 8:44 - Tedim Bible Revision 2017

⁴⁴ Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Tedim Bible

⁴⁴ Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Johan 8:44 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah pai khia-in, ama kamsangte khempeuh sungah a zuau kha ka va hi ding hi,’ ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia inla tua bangin va hih in,’ ci hi.

1 KHANG TANGTHU MASATE 21:1

Satan in Israel mite gimsak nuam ahih manin Israel mi phazah a sim dingin David hanthawn hi.

JOB (Job) 1:11

Ahi zongin na khut zanin ama neihsa khempeuh suksak lecin na maitang mahmah ah nang hong samsia pah ding hi,” a ci hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih gen thei mah ding na hi uh hiam? Bang hang hiam cih leh lungsim sunga thu om pen kam in a gen khia hi bek hi.

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Mattiu 13:38

Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

Johan 6:70

Tua ciangin Jesu in, “Note na sawm le nih mahun ka hong teel hi napi-in khat pen dawi na suak mawk uh hi,” a ci hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Johan 8:38

Tua ahih manin keimah in ahihleh ka Paʼ hong lah sa thute bek a gen ka hi a, ahi zongin note na hih uh leh na pa uh hong sawl bangin a gamta na hi uh hi,” a ci hi.

Johan 8:41

Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin,

Johan 8:55

Note in amah na thei ngei kei uh a, ahi zongin keʼn ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin keʼn amah thei ka hih manin ama thu ka mang hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topaʼ thuman pen zuau suahsak ding na hanciam tawntung hi.

Sawltak 24:9

Jew mite in zong panpih uh a, hih a gen khempeuh a man mah ahi hi, ci-in a gen uh hi.

Sawltak 5:3

Peter in, “Ananias aw, bang hangin Satanʼ thu-in gamta a, na lo zuak man sumte pawl khat kem simin, Kha Siangtho khem na hi hiam?

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

1 JOHAN MASA 1:8

Mawhna ka nei kei hi, i cih leh eite a kineihkhem ihi a, eite a thutak lo ihi hi.

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuau thu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.

1 JOHAN MASA 2:4

Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutak lo mi ahi hi.

1 JOHAN MASA 3:12

Dawimangpaʼ mi ahi, a naupa mahmah a that Kain bang kei ni. Kain a gamtatna man lo a, a naupaʼ gamtatna man ahih manin Kain in a naupa a that ahi hi.

1 JOHAN MASA 3:15

A Khristian mipih a mudah mi peuhmah mi that hi a, mi thatte in nuntak tawntungna a neih lohna thu na thei uh hi.

Juda 1:6

Amauʼ aana neih huam sung bekah om loin a omna panun a paikhia vantung mite zong leinuai khuamial sungah sikkol kibulhin amauʼ thu a kikhen ding Ni lianpi ngakin Pasian in a koihcip hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mangmuhna 13:14

Ganhing masa omna ah nalamdang bawl theih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liam sa hi napi a nungta lai ganhing pahtawi nading milim khat a bawl nadingun a gen hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.